Ադրբեջանի կողմից Արցախի ուղղությամբ սանձազերծված ռազմական գործողությունների ֆոնին աշխարհահռչակ ամերիկահայ հեռուստաաստղ Քիմ Քարդաշյանի ամուսինը՝ ճանաչված ռեփեր Քայնե Ուեսթը, թվիթերյան իր էջում գրել է, որ աղոթում է Հայաստանի համար:
«Աղոթում եմ Հայաստանի համար, աղոթում եմ Բրեոննա Թեյլորի ընտանիքի համար, աղոթում եմ համաճարակի պատճառով վերափոխված աշխարհի համար, աղոթում եմ Աստծո սիրո համար, որ ծածկի մեզ բոլորիս, մեր ընկերներին և ընտանիքին, փափկեցնի աշխարհի սրտերը: Շնորհակալ եմ տեր Աստված մեր կյանքերի համար: Հիսուսի անունով, Ամեն»,- գրել է Քայնե Ուեսթը:
