Ուսանողների միջազգային օրվան ընդառաջ Էջմիածնի քաղաքապետ Կարեն Գրիգորյանի առաջարկով՝ քաղաքապետարանին կից Ուսանողական խորհուրդը նախաձեռնեց և անցկացրեց «Մեկ օր քաղաքապետի պաշտոնում» խաղ-մրցույթը: Այն անցկացվեց երկու փուլով. առաջին փուլը ընտրություններն էին, որտեղ պայքարում էին առաջադրված 2 ուսանողուհիներ Տաթևիկ Էլոյանը և Էմմա Պողոսյանը:
Ամեն ինչ եղավ օրենքով սահմանված կարգով. սկզբում թեկնածուները ներկայացրին իրենց ծրագիրը, այնուհետև տեղի ունեցան թափանցիկ ընտրություններ: Ձայների հաշվարկի ժամանակ պարզ դարձավ` քազաքապետի պաշտոնը մեկ օրով կստանձնի Էմմա Պողոսյանը` իր ձևավորած թիմով:
-Հետաքրքիր նախաձեռնություն է, երկար եմ պատրաստվել, շատ լավ է, որ երիտասարդների ձայնը լսելի է դառնում: Ես շատ ուրախ եմ, որ քաղասքապետը հաշվի է առնում մեր կարծիքը,- նշեց Էմմա Պողոսյանը:
Քաղաքապետ Կարեն Գրիգորյանն էլ իր խոսքում հավելեց. «Երիտասարդների մասնակցությունը շատ է կարևորում, նրանք են մեր ապագան», և առաջարկեց, որ ուսանողները միանան և լավ ծրագիր մշակեն, որն էլ կիրականացվի նաև տոնից հետո:
Նախաձեռնության երկրորդ փուլում Էմմա Պողոսյանը իր թիմով մասնակցեց ամեն երեքշաբթի քաղաքապետարանում անցկացվող բնակիևների ընդունմանը, լսեց նրանց խնդիրները` առաջարկելով լուծումներ:
Գոհար Նալբանդյան
3-րդ կուրս
