Սեպտեմբերի 9-ին «Զանգակ» գրատան Աբովյան մասնաճյուղում տեղի ունեցավ ԵՊՀ հոգեբանության ամբիոնի դասխոս, հոգեբանական գիտությունների թեկնածու Սոսե Խաչիբաբյանի հեղինակած «100 փաստ ծնողավարության մասին» գրքի շնորհանդեսը:
Գիրքը նրանց համար է, ում հետաքրքրում է ծնողավարության կանոնները և ովքեր կարևորում են իրենց ներկա կամ ապագա երեխաների լիարժեք ու երջանիկ զարգացումը։
Սոսեյի խոսքով՝ հասարակական տարբեր վայրերում հաճախ լսել է բացասական ենթատեքսով արտահայտություններ՝ ուղված երեխաներին, ինչն էլ հիմք է հանդիսացել գրքի ստեղծման համար։
«Մոտիվն այն է, որ այսօր, ձեռնարկելով որոշակի քայլեր, 20-25 տարուց կունենանք ավելի կրթված և առողջ հասարակություն»,- մեջբերեց Սոսեն։
Գրքում հատկապես ընդգրկված են այն նախադասությունները և արտահայտությունները, որոնք հաճախ են ծնողները ասում երեխաներին՝ չգիտակցելով դրանց հետևանքները: Օրինակ՝ «Իսկ դասընկերդ ի՞նչ ստացավ», «Սպասիր հայրդ տուն գա», «Ճիշտ և ճիշտ հորաքույրդ (տատիկդ, պապիկդ) ես» և շատ ու շատ նման արտահայտություններ, որոնք հեղինակը դիտարկել և վերլուծել է երեխաների տեսանկյունից։
Հանդիպումը կայացավ հարց ու պատասխանի ձևաչափով, ներկաները թեմայի վերաբերյալ կիսվեցին իրենց փորձով և կարծիքներով:
Ալինա Սաակյան
2-րդ կուրս
