Այսօր՝ հոկտեմբերի 16-ին Հայաստանում նշվում է Հայ մամուլի օրը։
Օրվա ընտրությունը պատահական չէ. 1794 թ.-ի հոկտեմբերի 16-ին Հնդկաստանի Մադրաս քաղաքում տպագրվել է առաջին հայկական պարբերականը՝ «Ազդարար»-ը, որը հիմնադրել է Հարություն քահանա Շմավոնյանը: Ահա այս պատմական մեջբերումով ԵՊՀ ժուռնալիստիկայի ֆակուլտետի դեկան Նաղաշ Մարտիրոսյանը ողջունեց 2-րդ կուրսի ուսանողներին, շնորհավորեց նրանց մասնագիտական տոնի կապակցությամբ և մեծ նվաճումներ մաղթեց:
Ավանդույթի համաձայն՝ այսօր 2-րդ կուրսի ուսանողներին հանձնեցին Journalist.am պարբերականի թղթակցի վկայականները:
