Հոկտեմբերի 27-ին «Նարեկացի» արվեստի միությունում տեղի ունեցավ համերգ-հանդիպում կոմպոզիտոր, դաշնակահար Ստեփան Շաքարյանի հետ:
ՆԱՄ հիմնադիր Նարեկ Հարությունյանը այսպես խոսեց կոմպոզիտորի մասին.
– Նա խստապահանջ է, պարտաճանաչ: Նա լեգենդ է:
Նարեկ Հարությունյանը իր խոսքում պարոն Շաքարյանին բնորոշեց որպես բարեսիրտ, ազնիվ և արդար մարդ: Նշենք, որ պարոն Շաքարյանը ՆԱՄ-ում կոմպոզիտորական դասեր է դասավանդում երիտասարդներին:
Երեկոյի ժամանակ Ստեփան Շաքարյանին շնորհվեց յուրահատուկ նվեր-պարգև ՝ միության խորհրդանիշով փոքրիկ խաչքար:
Միջոցառմանը ցուցադրվեց «Հայրենասեր երաժիշտ Ստեփան Շաքարյան» տեսաֆիլմը, որը նկարահանվել է ԵԹԿՊԻ դոցենտ Գայանե Առաքելյանի արվեստանոցում:
Միջոցառմանը ներկայացվեցին կոմպոզիտորի հեղինակային, ինչպես նաև ջազային ստեղծագործություններն ու հայկական ժողովրդական երգերի մշակումները:
Նշենք, որ Ստեփան Շաքարյանը ավելի քան 100 ջազային կոմպոզիցիաների հեղինակ է:
Երեկոն ջերմ էր ու բացառիկ իր հանդիսատեսով, տիրող մթնոլորտով, ծափերով և ոգևորությամբ, ինչը ստիպում էր նրան չհեռանալ բեմից:
Արմինե Թովմասյան
2-րդ կուրս
