Գրքի հանդեպ սերը դարձյալ
միավորել է գրողին, հրատարակչին և ընթերցողին։
Մեկնարկել է գրքի երևանյան 3-րդ փառատոնը՝ մայրաքաղաքը վերածելով գրական հարթակի։
Գրքի երևանյան փառատոնը տեղի է ունենում Կրթության, գիտության, մշակույթի, սպորտի նախարարության
աջակցությամբ: Այս տարի տասով ավելացել է մասնակիցների թիվը։ 37 հրատարակչություն և
գրատուն ընթերցողի գնահատման են ներկայանում տարվա ամենամեծ պահանջարկ ունեցող գրքերով և գրական
նորություններով։
«Նյու Մեգ» հրատարակչությունը ներկայանում է 18 անուն գրքով։
«Մեր գրքերը բազմապրոֆիլ են։ Թեմաները տարբեր են, ունենք սպորտային, քաղաքական, մոտիվացնող
բեսթսելլերներ»,֊պատմում է հրատարակչության
ներկայացուցիչ Ավետիս Հարությունյանը։
«Մագաղաթ» հրատարակչության տնօրեն Ռուզաննա Կնյազյանը հավելեց, որ շատ բուռն, մեծ ակտիվություն
ունեն: Կարեւորում են որակյալ աշխատանքը։
Փառատոնի գլխավոր իրադարձությունը գրական մրցույթն է, որին այս տարի ներկայացվել է
87 հայտ։ Հաղթող պոետները, արձակագիրները և դրամատուրգները գրական մրցանակները կստանան
եզրափակիչ հանդիսության ընթացքում։ Արդյունքներն ամփոփվելու են փառատոնի փակման օրը`
նոյեմբերի 24-ին։ Իսկ մինչ այդ՝ քաղաքը գիրք է կարդում։
Մերի Խաչատրյան
3-րդ կուրս
