Արտակարգ դրության ժամկետը երկարաձգվեց ևս մեկ ամսով. կան մեղմացումներ

Արտակարգ դրության ժամկետը երկարաձգվեց ևս մեկ ամսով. կան մեղմացումներ

434

Այսօր կառավարության նիստի ժամանակ Արդարադատության նախարար Ռուստամ Բադասյանը ներկայացրեց Արտակարգ դրության ժամկետը երկարածգելու և սահմանափակումների մեղմացման վերաբերյալ կառավարության որոշման նախագիծը:

Սա Հայաստանում մարտի 16-ին հայտարարված արտակարգ դրության ժամկետի արդեն հինգերորդ երկարաձգումն է: Սպասվում են հետևյալ մեղմացումները.

•Վերացվում է ՀՀ քաղաքացիություն չունեցող անձանց Հայաստան մուտքի արգելքը։ Եթե անձի նկատմամբ չի կիրառվում հոսպիտալացում, ապա վերջինս 14 օրով ինքնամեկուսացվում է, սակայն այդ ընթացքում հնարավոր է իրականացնել համապատասխան թեստ, և բացասական ելքի դեպքում ինքնամեկուսացման ռեժիմը փոխվում է։

•Վերացվում է ՀՀ ամբողջ տարածքում հավաքների և գործադուլների արգելքը։Այն փոխարինվում է թույլտվությամբ, սակայն որոշակի կանոնների պահպանման պայմանով։

•Մեղմացվում են ընտանեկան արարողությունների և ժամանցային բնույթի միջոցառումներ կազմակերպելու, անցկացնելու կամ դրանց մասնակցելու սահմանափակումները՝ թույլատրելով դրանց անցկացումը բաց և փակ հաստատություններում, բայց ոչ ավելի քան 40 մասնակցող և պահպանելով պարետի կողմից սահմանված անվտանգության կանոնները։

•Վերացվել է մաքսային սահմանով ապրանքների փոխադրման սահմանափակումներ կիրառելու հնարավորությունը։ Վարակակիրների հայտնաբերման և ինքնամեկուսացման նպատակով էլեկտրոնային հսկողության կարգում հստակեցվել է միայն վարակակիների, կոնտակտավորների և ինքնամեկուսացված անձանց մասով համապատասխան տվյալներ ստանալու հնարավորությունը ոչ ավել, քան 14 օրյա ժամկետի կտրվածքով։

Այսօր փոխվարչապետ Տիգրան Ավինյանը Ազգային ժողովում կներկայացնի Արտակարգ դրության երկարաձգման և սահմանափակումների մեղմացման վերաբերյալ որոշման նախագիծը:

Կիսվել