Բուհերը նույնպես կբացեն դռները. Արայիկ Հարությունյան

Բուհերը նույնպես կբացեն դռները. Արայիկ Հարությունյան

347

ԿԳՄՍ նախարար Արայիկ Հարությունյանը ֆեյսբուքյան էջում հայտնել է, որ բուհերը նույնպես կբացեն դռները.

«Հարգելի ուսանողներ և դասախոսներ, այսօր պարետատան հետ քննարկման արդյունքում որոշում է կայացվել վերսկսել դասապրոցեսը նաև բուհերում:

Սեպտեմբերի 1-ին դասապրոցեսը կմեկնարկի միայն բակալավրի առաջին կուրսի ուսանողների համար: Դասերի մեկնարկի կարգի և դասացուցակների մասին տեղեկացեք բուհերի պաշտոնական կայքերից:

Մյուս բոլոր ուսանողների համար դասերի մեկնարկը տրվելու է սեպտեմբերի 15-ից:
Բուհերի ղեկավարների հետ հանդիպման արդյունքում նաև արձանագրվել է, որ բուհերը իրենք են որոշելու դասապրոցեսի կազմակերպման եղանակը` այն իրականացնելով հիբրիդային եղանակով` առկա և հեռավար: Մանրամասները բուհերը կհրապարակեն իրենց կայքերում և դասացուցակի մասին կհայտնեն լրացուցիչ:

Սիրելի ուսանողներ և դասախոսներ, հակահամաճարակային կանոնների որակյալ պահպանումը դասապրոցեսի անընդհատության ապահովման գրավականն է: Այս ամենին պատշաճ չվերաբերվելու դեպքում սահմանափակումներն անխուսափելի են»,-գրել է նախարարը:

https://www.facebook.com/arayik.harutyunyan/posts/10158603585303501?cft[0]=AZXn2nqxW4Dhu8KrPpWZxKL9XIG05oWLMmBbVV7k9NcQySgSiWUMMkeAQ6ISh44Fmrd7FjrBU6fjrj7aTNK3Bc5Pg_OOmBWdBOHpVLClX2gSwZBY_eCEqClpokKjQ2BKu4I&tn=%2CO%2CP-R
Կիսվել