ԵՊՀ ռեկտորի ժ.պ. Գեղամ Գևորգյանի հրամանով հեռակա ուսուցման 1-ին կիսամյակի պարտքերի մարման երկրորդ լուծարքային շրջանն ավելի ուշ է կազմակերպվելու: Բացի դրանից՝ փոփոխվել է նաև հեռակա ուսուցման ուսման վարձի մասնակի փոխհատուցում տրամադրելու վերաբերյալ դիմումների ընդունման ժամկետը:
Ըստ առաջին հրամանի՝ հեռակա ուսուցման 1-ին կիսամյակի պարտքերի մարման երկրորդ լուծարքային շրջանը կազմակերպվելու է ապրիլի 20-27-ը:
ԵՊՀ ռեկտորի ժ.պ. Գեղամ Գևորգյանի մեկ այլ հրամանի համաձայն՝ հեռակա ուսուցման ուսման վարձի մասնակի փոխհատուցում տրամադրելու վերաբերյալ դիմումներն ընդունվելու են նաև ապրիլի 15-20-ը: Դրանք ուսումնամեթոդական վարչության կազմակերպչական բաժին ներկայացնելու վերջնաժամկետ է սահմանվել ապրիլի 23-ը:
Պատրաստեց Քնար Միսակյանը
Աղբյուր՝ http://www.ysu.am/news/hy/Changes-in-the-timetable
