Ադրբեջանական հատուկ ծառայությունները հայկական հեռախոսահամարներով տեղեկություններ են փորձել ստանալ. ԱԱԾ

Ադրբեջանական հատուկ ծառայությունները հայկական հեռախոսահամարներով տեղեկություններ են փորձել ստանալ. ԱԱԾ

113

ՀՀ ազգային անվտանգության ծառայությունը հայտարարություն է տարածել, ըստ որի բացա­հայտ­վել է, որ Ադրբեջանի Հանրապետության հատուկ ծառայությունների աշխատակիցներն օգտագործում են ՀՀ տարբեր բջջային օպերատորների հեռախոսահամարներ։ Նրանք դրանցով զանգահարում են ՀՀ քաղաքացիներին՝ հայտնելով, որ կատարում են սոց. հարցումներ ՀՀ-ում՝ հատկապես զինված ուժերում տիրող իրավիճակի վերաբերյալ հետախուզական բնույթի տեղեկություններ ստանալու համար: ԱԱԾ-ն շեշտում է, որ մասնավորապես, նմանօրինակ հեռախոսազանգեր են արձանագրվել ՀՀ 094-39-75-95 և 093-52-72-08 բջջային հեռախոսահամարներից:

«ՀՀ ազգային անվտանգության ծառայությունը կոչ է անում ՀՀ քաղաքացիներին կապ չհաստատել, տվյալներ չփոխանցել կամ չպատասխանել կասկածելի հեռախոսազանգերին, իսկ անկախ հետազոտությունների հարցումներին պատասխանել միայն զանգահարողի ինքնությունը պարզելուց և դրանում համոզվելուց հետո»,-նշվում է հաղորդագրության մեջ:

Կիսվել