Մայր Աթոռ Սուրբ Էջմիածնի տեղեկատվական համակարգի տնօրեն տեր Վահրամ քահանա Մելիքյանն իր ֆեյսբուքյան էջում տեղադրել է Ղազարավանի միանձնուհիների լուսանկարը՝ կից գրառմամբ.
«Ղազարավան գյուղի Սբ. Նարեկ վանքի միանձնուհիները
ՄԵՐ ՕՐԵՐՈՒՄ
Վանական կյանքի ավանդույթի վերականգնումը Հայ Եկեղեցու այսօրվա կարևոր առաքելություններից մեկն է»:
Նշենք, որ Ղազարավանի կանանց մենաստանը Հայաստանի առաջին մենաստանն է, որ հիմնվել է երեք տարի առաջ՝ Վեհափառի և Արագածոտնի թեմի առաջնորդ Մկրտիչ Սրբազանի օրհնությամբ: Մենաստանում ապրում են ութ միանձնուհիներ, ովքեր կտրված են աշխարհիկ կյանքից և ծառայում են Աստծուն:
