Երևանի քաղաքապետ Հայկ Մարությանը այսօր ասուլիսի ընթացքում նշել է, որ Մաշտոցի պուրակում շինաշխատանքներն արդեն դադարեցված են։ Նա ասել է նաև, որ կարող է շինթույլտվության չեղարկում լինել։ Քաղաքապետի խոսքով՝ շատ հաճախ շինթույլտվություն ունեցող կազմակերպությունները սկսում են շեղվել իրենց շինթույլտվությունից և նույնը տեղի է ունեցել Մաշտոցի պուրակի կառուցապատողի հետ։
«Մեզ ընդհանրապես չի հետաքրքրում, թե որ շինությունն է և ում կուսակցությանն է պատկանում։ Ինձ համար կա օրենք, կա քաղաքի շահ։ Շատ հստակ հանձնարարական կա բոլոր այդ ծառայություներին, եթե որևէ մեկը դուրս է գալիս օրենքի սահմաններից, ապա մեր ունեցած լիազորությունների սահմանում պետք է պատժել»,-ասել է քաղաքապետը։
