Բեյրութում պայթյունից հայ բուժքույր է զոհվել

Բեյրութում պայթյունից հայ բուժքույր է զոհվել

52

Լիբանանյան լրատվամիջոցները հայտնել են Ջեսիկա Բեզջյանի մահվան լուրը, որ եղել է Բեյրութի նավահանգստի պայթյունի ժամանակ Ռում հիվանդանոցի իր աշխատավայրում: Երիտասարդ հայուհին բուժքույր էր աշխատում և, ըստ լրատվամիջոցների, մնացել է փլված առաստաղի տակ: Հիվանդանոցը գտնվում է Էշրեֆիեի շրջանում և շատ մոտ է Բեյրութի նավահանգստին, ուր օգոստոսի 4-ին որոտացել է հզոր պայթյուն, հայտնում է «Արևելքը»։

Ջեսիկա Բեզջյանը Լիբանանի Մեսրոպյան հայկական վարժարանի շրջանավարտ էր, նա Լիբանանի Հիվանդապահների միության անդամ էր:
«Հանգչիր խաղաղությամբ, հրեշտակ»,-գրել են նրա ընկերները, դասախոսները և գործընկերները:

«Նա ամենալուրջ եւ աշխատասեր  բուժքույրերից էր, նա շատ ինքնատիպ ուսանող էր: Աղոթում եմ քեզ համար»,-գրել է Բալամանդ համալսարանի դասախոսներից Վիկի Ժբրանը՝ Ջեսիկա Բեզջյանի մասին:

Կիսվել