ՀՀ ՊՆ տեղեկացնում է, որ հայկական երկու հանրապետությունների ռազմական գերատեսչությունների միջև առկա փոխգործակցության ու գործողությունների համադրման ծրագրի շրջանակներում օգոստոսի 11-ին Արցախի Հանրապետություն է այցելել ՀՀ ԶՈՒ Գլխավոր շտաբի պատվիրակությունը՝ Գլխավոր շտաբի պետ, գեներալ-լեյտենանտ Օնիկ Գասպարյանի գլխավորությամբ:
![This image has an empty alt attribute; its file name is 117603516_3569886016377076_1874619327873680319_n.jpg](https://scontent.fevn6-2.fna.fbcdn.net/v/t1.0-9/117603516_3569886016377076_1874619327873680319_n.jpg?_nc_cat=111&_nc_sid=730e14&_nc_ohc=bidHJy5KB14AX_ysIVF&_nc_ht=scontent.fevn6-2.fna&oh=1d5f81bbb81cf3acf46aea549935dd67&oe=5F570561)
ԱՀ ՊՆ, ՊԲ հրամանատար, գեներալ-մայոր Ջալալ Հարությունյանի ուղեկցությամբ ՀՀ ԶՈՒ Գլխավոր շտաբի պետն այցելել է արևելյան ուղղությամբ գտնվող զորային նշանակության մի շարք օբյեկտներ: Բարձրաստիճան զինվորականներն առաջնագծում հետևել են լայնածավալ ամրաշինական աշխատանքներին, ծանոթացել մարտական հերթապահության ընդգրկված անձնակազմի ծառայության պայմանների ու կենցաղի բարելավման նպատակով իրականացվող միջոցառումների ընթացքին: ՊԲ ինժեներասակրավորական զորամասերից մեկում ներկայացվել են նոր տիպի ամրաշինական օբյեկտների կառուցվածքային տարրերը:
![This image has an empty alt attribute; its file name is 117589868_3569884526377225_1730405146669061945_n.jpg](https://scontent.fevn6-2.fna.fbcdn.net/v/t1.0-9/117589868_3569884526377225_1730405146669061945_n.jpg?_nc_cat=106&_nc_sid=730e14&_nc_ohc=fZNaDRVm41sAX8RbkXm&_nc_ht=scontent.fevn6-2.fna&oh=7238fd9e6fe7d51ce6787ab56a07dc5c&oe=5F56FA7D)
Աշխատանքային այցի ընթացքում քննարկվել է հայկական երկու հանրապետությունների պաշտպանունակության տեսակետից կարևորություն ունեցող հարցերի լայն շրջանակ:
![](https://scontent.fevn6-1.fna.fbcdn.net/v/t1.0-9/117527893_3569885719710439_2802693035362495561_n.jpg?_nc_cat=100&_nc_sid=730e14&_nc_ohc=y0Vg6FKrY-MAX-Honmj&_nc_oc=AQkmHKxJnyezqgS-Yr7F41UKXfKijzJQ-6IS7C-1o9Vr67Jo8DGdp4_SOGV7u7TXaec&_nc_ht=scontent.fevn6-1.fna&oh=c612205511eb61806040376c27767a93&oe=5F56F3B4)