Արգելոցը բնության հատուկ պահպանման ռեժիմ ունի, մարդկային ազդեցության գործոնը պետք է նվազագույնի...

Արգելոցը բնության հատուկ պահպանման ռեժիմ ունի, մարդկային ազդեցության գործոնը պետք է նվազագույնի հասցնել. Ռոմանոս Պետրոսյան

40

ՀՀ շրջակա միջավայրի նախարար Ռոմանոս Պետրոսյանը տեղեկացրել է, որ «Խոսրովի անտառ» պետական արգելոց այցի հերթական կանգառը Խոսրով տեղամասի այցելուների և տեղեկատվության կենտրոնն է եղել։

«Կենտրոնի գործունեության նպատակն է այցելուներին հնարավորություն տալ ծանոթանալու արգելոցի ստեղծման պատմության, դրա նշանակության, կենդանական և բուսական աշխարհի, պատմամշակութային արժեքների հետ:

Շրջեցինք տարածքում, ծանոթացանք իրականացվող աշխատանքներին ու պահպանման ռեժիմի առանձնահատկություններին, քննարկեցինք հրդեհաշիջման նյութերի և համապատասխան կապի միջոցների առկայության, ինչպես նաև անվտանգ էկոտուրիզմի զարգացման հետ կապված հարցեր:
 Կարող եմ ասել, որ մենք դեռ չունենք իրացվելիության բավարար մակարդակ։ Սակայն այս ուղղությամբ մեր քայլերը պետք է լինեն զուգահեռ պահպանության որակի ու մակարդակի բարձրացմանը։ Արգելոցը բնության հատուկ պահպանման ռեժիմ ունի, և մարդկային ազդեցության գործոնն ուղղակիորեն պետք է նվազագույնի հասցնել, իսկ դա հնարավոր է միայն ներքին կարգապահության, պահնորդական ծառայության հնարավորությունների ընդլայնման և պահպանության նոր մեխանիզմների ներդրման արդյունքում։Միայն այս դեպքում մենք կընդլայնենք զբոսաշրջային խմբերի և էկոտուրիզմով զբաղվող ընկերությունների հետ մեր համագործակցությունը և կունենանք զբոսաշրջային ներուժը լիարժեքորեն իրացնելու հավասար հնարավորություններ։

Ինչպես այս, այնպես էլ՝ Գառնի տեղամասի այցելուների կենտրոնում զբոսաշրջիկները կարող են ստանալ անհրաժեշտ տեղեկություններ և խորհրդատվություն, ինչպես նաև ձեռք բերել համապատասխան գրականություն, ուղեցույցեր` զբոսաշրջության գրագետ կազմակերպման համար«- Ֆեյսբուքի էջում գրել է նախարարը:

Կիսվել