Acne Studio բրենդի կրեատիվ դիզայներ Jonny Johansson-ի սերն ու հետաքրքրությունը ընտանի կենդանիների նկատմամբ վերջերս ավելի է մեծացել:
Հենց այդ պատճառով էլ իր խնամակալության տակ է վերցրել մի շունիկի, որը մեծ ոգևորություն է պատճառել դիզայներին: Այս իրադարձությունն ամբողջությամբ փոխել է նրա կյանքը:
Ընտանի կենդանու հետ պարբերական զբոսանքների ժամանակ Jonny Johansson-ին սկսել է հետաքրքրել իրենց կենդանիներին զբոսանքի տանող տերերի հագնելաոճերը:
Հենց այս ամենից ոգևորված էլ դիզայները որոշել է ստեղծել հավաքածու, որը նվիրված կլինի շունիկների խնամքով զբաղվող բոլոր մարդկանց:
«Այս հավաքածուով ես ցանկանում եմ իմ շնորհակալությունը հայտնել բոլոր այն մարդկանց, ովքեր իրենց կերպարներով ոգեշնչել են ինձ»,- իր Instagram-ի էջում գրել է դիզայները:
Կափսուլային հավաքածուի տպագրության պատկերները դիզայները ընտրել է բրիտանացի նկարչուհի Lydia Blekley-ի աշխատանքներից:
Հավաքածուի բոլոր հագուստների վրա կարելի է տեսնել չորքոտանի կենդանիների վառ և ընդգծված պատկերներ:
Այդպիսի տպագրությունների կարելի է հանդիպել գլխարկների, շապիկների, հուդդիների, կիսաշրջազգեստների, ինչպես նաև բլուզների և վերնաշապիկների վրա:
Հավաքածուի առաջին հաճախորդները դարձել են Acne Studio–ի աշխատակիցները, ովքեր այդ հագուստներով իրենց ընտանի կենդանիների հետ հայտնվել են բրենդի լուսանկարներում:
Այս զգացմունքային հավաքածուի հագուստներն արդեն հասանելի են գնորդների համար:
Հեղինակ՝ Արուս Միրզոյան
