ԱՀԿ-ն նախազգուշացրել է աշնանը Եվրոպայում կորոնավիրուսից մահվան դեպքերի աճի մասին

ԱՀԿ-ն նախազգուշացրել է աշնանը Եվրոպայում կորոնավիրուսից մահվան դեպքերի աճի մասին

18

Առողջապահության համաշխարհային կազմակերպության եվրոպական տարածաշրջանի տնօրեն Հանս Կլյուգեն նախազգուշացրել է, որ հոկտեմբերին և նոյեմբերին Եվրոպայում կորոնավիրուսով պայմանավորված մահվան դեպքերի թիվը կաճի։ Այս մասին հաղորդում է The Guardian պարբերականը։

Վերջին մի քանի շաբաթների ընթացքում Եվրոպայում կորոնավիրուսի նոր դեպքերի թիվը մեծապես աճել է։ Ամենամեծ աճն արձանագրվել է Իսպանիայում և Ֆրանսիայում։ Ֆրանսիական Բորդո և Մարսել քաղաքները խստացրել են կորոնավիրուսով պայմանավորված սահմանափակումները։

Reuters լրատվական գործակալության փոխանցմամբ՝ Անգլիայում արգելվել են 6-ից ավելի մարդկանց հավաքները, սակայն այս սահմանափակումը չի վերաբերի դպրոցներին, աշխատավայրերին, հուղարկավորություններին, սպորտային մարզումներին և հարսանիքներին։

Կիսվել