Մայր թատրոնի 99-րդ թատերաշրջանի մեկնարկը կտրվի բացօթյա ներկայացման պրեմիերայով։ Հանդիսատեսի դատին կհանձնվի Բոկաչչոյի «Դեկամերոն» տխուր կատակերգությունը։ Ներկայացումը բեմադրել է Լիլի Էլբակյանը։
Ելնելով երկրում տիրող համավարակի պայմաններից` գործը կբեմադրվի Ազգային ակադեմիական թատրոնի հարակից բացօթյա տարածքում։ Թատրոնի գեղարվեստական ղեկավարը Վարդան Մկրտչյան․է:
Ներկայացման ընթացքում պահպանվելու են հակահամավարակային բոլոր պահանջները: Հանդիսատեսը պարտադիր պետք է դիմակ կրի, ջերմաչափվի, ախտահանվի և պահպանի սոցիալական հեռավորությունը: Մայր թատրոնը բացօթյա հարթակում կարող է հյուրընկալել միայն հիսուն թատերասերի: Պրեմիերան սեպտեմբերի 25 -ին է։
Գոհարիկ Գրիգորյան
2-րդ կուրս
