Լույս է տեսել Արման Ղարիբյանի «Մարդու իրավունքներ և լրագրություն» ուսումնական ձեռնարկը

Լույս է տեսել Արման Ղարիբյանի «Մարդու իրավունքներ և լրագրություն» ուսումնական ձեռնարկը

111

«Մարդու իրավունքներ և լրագրություն» առարկան հեղինակի կողմից  ԵՊՀ Ժուռնալիստիկայի ֆակուլտետում դասավանդվում է 2017 թվականից, սակայն ուսանողները մինչ օրս որևէ ձեռնարկից օգտվելու հնարավորություն չունեին:  

Արման Ղարիբյանը journalist.am-ին հայտնեց, որ լսարանը լիարժեք գիտելիք ստանում էր, բայց ձեռնարկը շատ հարցերում է օգնում. ուսանողներին արդյունավետ կլինի հատկապես քննությունների ժամանակ։  
«Երբ ձեռնարկը չկար, փորձում էի որոշակի տեղեկատվություն թարգմանել հայերենով և ներկայացնել դասերի ժամանակ: Նաև ներկայացնում էի պրեզենտացիաներ թեմայի վերաբերյալ, բայց ամբողջական չէր ստացվում,  որովհետև մեկ այլ բան է պատրաստել համապարփակ ձեռնարկ, մեկ այլ բան է ուղղակի պրեզենտացիաների միջոցով ներկայացնելը»,-նշում է հեղինակը։

Հասանելի է նաև ձեռնարկի անգլալեզու՝  էլեկտրոնային տարբերակը, բայց ոչ ամբողջությամբ:  
Հեղինակը պարզաբանում է, որ անգլալեզու ձեռնարկում զետեղել են այն ամենը, ինչը կարևոր կլինի նաև միջազգային ծրագրի շրջանակներում ԵՊՀ Ժուռնալիստիկայի ֆակուլտետում սովորող ուսանողների համար:  

Հեղինակ՝ Տաթև Ալիխանյան

Կիսվել