Նման քայլեր արվում են վախ սերմանելու, քաոս ստեղծելու համար.Սամվել Մարտիրոսյան

Նման քայլեր արվում են վախ սերմանելու, քաոս ստեղծելու համար.Սամվել Մարտիրոսյան

107

Երեկ մեդիափորձագետ Սամվել Մարտիրոսյանն իր ֆեյսբուքյան էջում հրապարակել էր ադրբեջանցիների կողմից տարածվող կեղծ հնարքներից ևս մեկը:

Journalist.am-ի հետ զրույցում Սամվել Մարտիրոսյանը նշեց, որ հակառակորդի կողմից նմանատիպ քայլեր հիմնականում արվում են վախ սերմանելու, խուճապ տարածելու, քաոս և անկառավարելի իրավիճակ ստեղծելու համար, նաև կարող են արվել պաշտոնական աղբյուրների հանդեպ անվստահություն ստեղծելու համար:

Հարցին` արդյոք նման դեպքերը հաճախ են լինում, մեդիափորձագետը պատասխանեց.

«Չէ, նման բաներ լինում են։ Վերջին դեպքը եղել է հուլիսին, երբ հաղորդագրությունների միջոցով ՊՆ-ի անունից կեղծիք է տարածվել»,-նշեց մեդիափորձագետը։

Թե ինչից է կախված հակառակորդի նման ակտիվությունը, Սամվել Մարտիրոսյանը դժվարացավ պատասխանել:

«Երկու վարկած կա` առաջինը, որ հող է նախապատրաստվում ինչ-որ կարճաժամկետ ռազմական գործողությունների, այսինքն Ադրբեջանը պատրաստվում է ինչ-որ մի տեղ հարված հասցնել, քանի որ լավ չեն մարսել Տավուշի դեպքերը: Դժվար թե խոսքը գնա լայնամասշտաբ պատերազմի մասին, որովհետև ոչ ոք դրան պատրաստ չէ։ Երկրորդը սեզոնային լավագույն ժամանակը չէ, կամ փորձում են ճնշել միջազգային հանրությանը, համանախագահներին ցույց տալ, որ իրավիճակը լուրջ է և պետք է Հայաստանի վրա ճնշում գործադրվի, որպեսզի ավելի լուրջ մոտենան բանակցային պրոցեսին»,-եզրափակեց մեդիափորձագետը։

Հեղինակ՝ Արև Սարգսյան

Կիսվել