Թուրքիայի խորհրդարանի հայ պատգամավորը կոչ է արել ղարաբաղյան հակամարտության գոտում վերջ դնել ռազմական գործողություններին։
«Թուրքիան աշխարհում միակ երկիրն է, որը աջակցում է հայ-ադրբեջանական հակամարտության սրմանը։ Բոլոր երկրներն ու միջազգային կազմակերպությունները կոչ են անում դադարեցնել կրակը, իսկ թուրքական իշխանություններն ու զանգվածային լրատվամիջոցները հակառակն են պնդում։ Պատերազմը աղետ է»,- ֆեյսբուքյան իր էջոմ նման գրառում է Կարո Փայլանը։
