Բացօթյա ցուցահանդես՝ գյուղի համ ու հոտով

Բացօթյա ցուցահանդես՝ գյուղի համ ու հոտով

321

  Սեպտեմբերի 20-ին Տավուշի մարզի Նոյեմբերյան համայնքում՝ Սրբասարում   (նախկինում՝ Գոգդաղ) տեղի ունեցավ բացօթյա ցուցահանդես, որտեղ  միահյուսվել էին համայնքի մշակութային կյանքը և գյուղական կոլորիտը: Ցուցահանդեսը կազմակերպվել էր Նոյեմբերյանի մշակույթի կենտրոնի  տնօրեն  Սոնյա Զուրաբյանի նախաձեռնությամբ:

   Ցուցահանդեսում հյուրերին ողջունեցին «Վերածնունդ պարային համույթ»-ի սաները (ղեկավար՝ Ինեսա Ասատրյան), «Սինկոպա» վոկալի խմբի սաները (ղեկավար՝ Սոնա Ղարդյան): Ցուցահանդեսի կազմակերպմանը մասնակցել էին «Տիկնիկաշինութուն», «Գորգագործություն», «Նկարչություն» խմբակները (ղեկավարներ՝ Ալբինա Պետրոսյան, Ռիմա Անանյան, Հռիփսիմե Մանթաշյան):

  Միջոցառման ավարտին՝ հյուրերի համար կազմակերպված հյուրասիրության ժամանակ, կարելի էր զգալ գյուղի համն ու հոտը․ րաժան, ուրցի թեյ, գաթա, մրգային չրեր…:

  Միջոցառմանը ներկա էին  «Չումբո» նախաձեռնող խմբի գործիչներ (ղեկավար՝ Սմբատ Հակոբյան): Նրանք մեծ հույսեր են կապում համայնքի մշակութային կյանքի  զարգացման հետ` նաև հետագա համագործակցության ակնկալիքով: Նպատակներից մեկն էլ համայնքի մշակույթային կյանքի ակտիվացման համար նպատաստավոր պայմանների ստեղծումն էր:

Արփինե  Բեջանյան

2-րդ կուրս

Կիսվել