Մարտի 30-ին ԵՊՀ կենտրոնական մասնաշենքի Մեծ դահլիճում կայացավ «Երգող համալսարանական 2017» մրցույթի երկրորդ փուլը: Հիշեցնենք` առաջին փուլը տեղի էր ունեցել մարտ ամսվա սկզբին: Ժյուրիների կազմում էին համալսարանի մշակույթի հանձնաժողովի նախագահ Աննա Գարեգինյանը և աշուղական միության անդամ Հրանտ Մուրադյանը:
Առաջին փուլին մասնակցել էին մոտ 100 ուսանողներ, որոնցից մի քանի տասնյակն էր անցել երկրորդ փուլ: Երկրորդ փուլն անցավ ավելի մրցակցային, քան առաջինն էր, քանի որ երկրորդ փուլից հետո պարզ պետք է դառնար «Երգող համալսարանական 2017» մրցույթի հաղթողը:
Մեզ հետ զրույցում ժյուրիի անդամ «Երգող համալսարանական» մրցույթի առաջին հաղթող Ավդալյան Գայանեն նշեց.
-Մասնակիցները պատրաստված էին: Նկատելի էր առաջին փուլից հետո նրանց աշխատանաքների արդյունքը: Բոլորը բեմ էին բարձրանում արդեն ոչ թե որպես սկսնակներ, այլ որպես պրոֆեսիոնալ, պատրաստված, բեմի էթիկային տիրապետող երաժիշտներ: Կան լավ վոկալային տվյալներով մասնակցներ, կարծում եմ սպասվում է թեժ մրցակցություն:
Մրցույթում հաղթողի կոչումից բացի լինելու է նաև այլ մրցանակ ` հանդիսատեսի համակրանք, որին ընտրելուն է հենց հանդիսատեսը:
Բոլոր մասինակցները ավանդույթին համաձայն հուզված և անհանգիստ էին, ոմանք գոհ էին իրենց ելույթից, ոմանք կարծում էին, որ կարող էին ավելի լավ:
-Ներկայացրել եմ Էվելինա Մակարյանի երգացանկից «Արեգակ» երգը: Անկեղծ ասած տրամադրվածությունս մրցույթային չէր, միգուցե պատճառը մի փոքր վատառողջ լինելս էր,- ասում է մրցույթի մասնակից Լիլիթ Ալթունյանը:
Ժյուրին և հանդիսատեսը կայացրել են իրենց որոշումը: Հաղթողների անունները հայտնի կդառնան ապրիլի 14-ին ` ԵՊՀ ՈՒԽ ծննդյան նվիրված միջոցառման ընթացքում:
Անուշիկ Մկրտչյան
4-րդ կուրս
