Արցախցիների հումանիտար օգնությունը հավաքագրողներն ախտահանվում են. պահվում են հակահամաճարակային կանոնները

Արցախցիների հումանիտար օգնությունը հավաքագրողներն ախտահանվում են. պահվում են հակահամաճարակային կանոնները

180

«Արցախից ժամանակավորապես Հայաստան տեղափոխված մարդկանց համար սնունդ և հագուստ հավաքագրողները ախտահանվում են և խստորեն պահպանում հակահամաճարակային կանոնները»,- հայտնում է «Ընտանիք և համայմք» ԲՀԿ-ի ավագ սոցաշխատող Սվետա Ավետիսյանը։

Վերջինիս հետ զրույցում տեղեկացանք, որ բերված մթերքները, հագուստը և տնտեսական իրերը ախտահանվում են, որից հետո փոխանցվում  համապատասխան մարդկանց։

Աշխատավայրում կան հատուկ մատյաններ, որտեղ գրվում են աշխատողների և օգնություն բերողների ջերմաստիճանները։ Մինչ աշխատասենյակ մտնելը, բոլորը ախտահանվում են, իսկ աշխատասենյակներում կահույքը տեղափոխել են սոցիալական հեռավորությունը պահելու համար։

ՀԲԸՄ սկաուտական խումբը  սեպտեմբերի 27-ից  սկսած նույնպես զբաղվում է կամավորական աշխատանքներով։ Մինչ աշխատնքներին անցնելը, բոլոր կամավորները ջերմաչափվում են, ախտահանվում և կրում են ձեռնոցներ։

-Հավաքում ու տեսակավորում ենք սնունդ, հագուստ, վրաններ, քնապարկեր, ծածկոցներ։ Աշխատում ենք փոքր խմբերով՝ խուսափելու համար մարդկային կուտակումներից,- զրույցի ժամանակ ասեց կամավոր Լիանա Հովհաննիսյանը։

Աշխատանքները իրականացվում են Արաբկիր Հայորդաց տանը, որտեղ գործում է 24 ժամյա հերթապահություն։ Բոլոր մարդիկ մուտքի մոտ ջերմաչափվում և ախտահանվում են, եթե չունեն դիմակ, նաև դա է տրամադրում։ Իսկ օգնությունը, որը հասցվում է, մուտքից արդեն  ներս են տանում։

Հիշեցնենք, որ  սեպտեմբերի 27-ից Արցախում և Հայաստանում ռազմական դրություն է հայտարարված։ Այս օրերին Հայաստանում մի շարք կազմակերպություններ ու խմբեր զբաղվում են հումանիտար օգնությամբ։ Օգնություն տրամադրվում է ոչ միայն բանակին, այլ նաև Արցախից եկած ընտանիքներին։

Մարիամ Թեյմուրազյան

2-րդ կուրս

Կիսվել