ԵՊՀ ուսումնական մասնաշենքերում շուտով կբացվեն ճաշարանները

ԵՊՀ ուսումնական մասնաշենքերում շուտով կբացվեն ճաշարանները

165

ԵՊՀ բոլոր ուսումնական մասնաշենքերի ճաշարանները կգործարկվեն, այս մասին Journalist.am-ին տեղեկացնում են ԵՊՀ ռեկտորատից։

Աբովյան 52 հասցեում (Սև շենք) արդեն իսկ գործում է ճաշարան, իսկ 2-րդ, 3-րդ, 7-րդ և 8-րդ ուսումնական մասնաշենքերում դրանք կգործարկվեն մինչև հոկտեմբերի 1-ը։

Նշյալ ուսումնական մասնաշենքերում տեղակայված են ԵՊՀ հետևյալ ստորաբաժանումները․

2-րդ ուսումնական մասնաշենք – իրավագիտության, միջազգային հարաբերությունների ֆակուլտետներ,

3-րդ ուսումնական մասնաշենք – ֆիզիկայի, ռադիոֆիզիկայի, մաթեմատիկայի և մեխանիկայի ֆակուլտետներ,

7-րդ ուսումնական մասնաշենք – արևելագիտության, ժուռնալիստիկայի, ռուս բանասիրության ու եվրոպական լեզուների ու հաղորդակցության ֆակուլտետներ,

8-րդ ուսումնական մասնաշենք – հայ բանասիրության, փիլիսոփայության և հոգեբանության ֆակուլտետներ, մանկավարժության և կրթության զարգացման կենտրոն։

Արդեն երկու տարի է՝ կորոնավիրուսի պատճառով ԵՊՀ բոլոր մասնաշենքերում փակվել էին ճաշարանները, ինչը դասախոսների, վարչական աշխատակազմի և ուսանողների համար անհարմարություններ էր ստեղծել։ Այլընտրանքը շրջակա խանութներն էին, որոնցից օգտվելը հարմար չէր կարճ ընդմիջումների եւ գոյացող հերթերի պատճառով։

Քնարիկ Վարդանյան

4-րդ կուրս

Կիսվել