Մենք` ԵՊՀ ժուռնալիստիկայի ֆակուլտետի բակալավրիատի և մագիստրատուրայի շրջանավարտներս, ընդունելով արտահայտվելու ազատությունը՝ որպես բարձրագույն արժեք, երդվում ենք.
- ծառայել հանրությանը` հաղորդելով ճշգրիտ, անկողմնակալ լրատվություն և ստուգված փաստեր,
- ձեռնպահ մնալ անհիմն, մոլորեցնող կամ խեղաթյուրված նյութերի հրապարակումից,
- հիմնախնդիրները կամ թեման լուսաբանել համակողմանի,
- կարծիքը, վարկածը կամ մեկնաբանությունը չներկայացնել որպես փաստ, դրանք հստակորեն տարանջատել,
- մասնագիտական գործունեությունն իրականացնելիս չընդունել նվերներ,
- չգրել պատվերով նյութեր,
- քաղաքականության մեջ ներգրավվելիս` դադարեցնել լրագրողական գործունեությունը,
- վկայակոչել լրատվության աղբյուրը` բացառությամբ այն դեպքերի, երբ անխուսափելի անհրաժեշտությամբ խոստացել ենք չբացահայտել այն,
- չհրապարակել այնպիսի նյութ, որը զրպարտում կամ անվանարկում է անհատին կամ կազմակերպությանը, պատրաստակամորեն լսել նրանց կարծիքն ու պատասխանի հնարավորություն տալ,
- չհրապարակել անհատի անձնական կյանքի մանրամասներ` առանց նրա թույլտվության, բացառությամբ այն դեպքերի, երբ տեղեկությունների հրապարակումը կարող է ծառայել հանրության շահերին,
- հարգել և պահպանել ազգային կենսունակ ավանդները,
- հարգել հեղինակային իրավունքը և գրագողություն չանել:
Ե ր դ վ ու մ ե ն ք,
Ե ր դ վ ու մ ե ն ք,
Ե ր դ վ ու մ ե ն ք
