ԿՐԹԱՄՐՑԱՆԱԿ

ԿՐԹԱՄՐՑԱՆԱԿ

187

«Հայ Ձմեռ պապ» լրագրողական բարեգործական հիմնադրամը ԵՊՀ ժուռնալիստիկայի ֆակուլտետի ուսանողների համար հայտարարում է երախտագիտության և հարգանքի «ՈՍԿԻ ՍԵՐՄԵՐ» 3-րդ կրթամրցանակի մեկնարկը։ Այն նվիրված է Արցախյան 44-օրյա պատերազմի հերոս, ֆակուլտետի մագիստրոս, գրող, հրապարակախոս Վաչագան Մանուկյանի հիշատակին։

Չափորոշիչները

Մրցանակները (մրցանակային ֆոնդը 300.000 ՀՀ դրամ) տրամադրվելու են ԵՊՀ ժուռնալիստիկայի ֆակուլտետի այն ուսանողներին (սկսած 2-րդ կուրսի 2-րդ կիսամյակից), որոնց տվյալները կհամապատասխանեն հետևյալ չափորոշիչներին (բոլորին կամ գերակշիռ մասին)՝

  • Առաջադիմություն,
  • Ստեղծագործական ակտիվություն,
  • Հասարակական ակտիվություն

Մրցույթին մասնակցելու կարգը

 Մինչև 2024 թ․ մարտի 1-ը s.petrosyan@ysu.am էլ․ հասցեով ուղարկել հավակնորդի

  • CV-ն,
  • Մոտիվացիոն նամակ,
  • Լրագրողական նյութեր՝ հեռուստա-/ռադիոհաղորդումներ (տարբեր ժանրի), 1-3 հրապարակումներ առցանց մամուլում:

Կրթամրցանակակիրների ընտրությունը կկազմակերպի հանձնաժողովը, որի կազմում են ժուռնալիստիկայի ֆակուլտետի դասախոսներ, փորձագետներ, Վաչագանի ընտանիքը, բարերարը և «Հայ Ձմեռ Պապ» հիմնադրամի ներկայացուցիչը:

Կրթամրցանակի հովանավորը կանադահայ բարերար Արա Մուրադյանն է։ 

Մրցանակները կհանձնվեն կիսամյակի վերջում՝ ԵՊՀ վեց ֆակուլտետներում մրցույթների ամփոփումից հետո:

«ՄԵԶ ԹԱՂԵՑԻՆ, ԲԱՅՑ ՉԳԻՏԵԻՆ, ՈՐ ՄԵՆՔ ՍԵՐՄԵՐ ԵՆՔ»: Ոսկի սերմերը ոսկի ծիլեր կտան:

Կիսվել