2017 թվականի նոյեմբերը հատկապես նշանակալից էր Գեղարքունիքի մարզի գյուղ Ծովասարի համար: Հիմնադրման պահից մինչ այսօր գյուղում գործող միակ բուժհաստատությունը ամբուլատորիան էր: Բայց ատամնաբուժարանի բացումը մեծ տոն էր համայնքի համար: Գյուղացիները շատ էին սրտնեղում, որ ատամնաբուժարանի և դեղատան բացակայության հետևանքով գնում էին քաղաք Մարտունի:
Մշակույթի տան անձնակազմն իր` Ալաշկերտ պարախմբի հետ միասին բացման արարողությունը ավելի հանդիսավոր դարձրեց:
Ատամնաբուժարանը և դրան կից դեղատունը բացվել են օրթոպեդիկ ստամատոլոգ Մամիկոն Ստեփանյանի ջանքերով:
Բուժհաստատությունը հագեցած է ժամանակակից սարքավորումներով:
Համայնքի ոսկե երիտասարդության ներկայացուցիչ Արթուր Մանուկյանի և իրավաբան Քաջիկ Վարդանյանի հավաստմամբ` նման պայմանները և փորձառու մասնագետը կարող են գոհացնել անգամ ամենաբծախնդիր հաճախորդին:
Էլիզա Մանուկյան
3-րդ կուրս
