Հոկտեմբերի 8-ին Երևանի մետրոպոլիտենի «Երիտասարդական» կայարանում բացվեց Ավետիք Իսահակյանի տուն-թանգարանի բաներային ցուցադրությունը: Կայարանի պատերին փակցվել էին ցուցապաստառներ՝ տուն-թանգարանի հակիրճ նկարագրությամբ :
Մեզ հետ զրույցում տուն-թանգարանի տնօրեն ՝ Անժելա Խորենյանը նշեց, որ միջոցառումը նվիրված է տուն-թանգարանի հիմնադրման 60 և գործունեության 55 ամյակին: Ըստ տնօրենի` երկու պատճառով է որոշվել միջոցառումն իրականացնել «Երիտասարդական» կայարանում. Ավետիք Իսահակյանի արձանը գտնվում է հարևանությամբ, և երիտասարդների մեծ մասին կարելի է հանդիպել հենց այս կայարանում: Միջոցառման ընթացքում հնչեցին Իսահակյանի բանաստեղծություներն ու նրա խոսքերով գրված երգերը:
Միջոցառման ավարտին տեղի ունեցավ վիճակահանություն, որի հաղթողներն էլ հնարավորություն ունեցան անվճար այցելելու տուն-թանգարան: Թանգարանի բաներային ցուցադրությունը կտևի 20 օր:
Գոհար Աբրոյան
2-րդ կուրս
