Ինչպես ամբողջ աշխարհում, այնպես էլ Հայաստանում, ամեն տարի հանդիսավոր կերպով, հոկտեմբեր ամսին նշվում է իտալերեն լեզվի համաշխարհային շաբաթը: Հոկտեմբերի 17-ին Երևանի պետական համալսարանի մշակույթի կենտրոնում անցկացվեց «Իտալերենը և ստեղծագործական միտքը» միջոցառումը, վերջինիս հեղինակն էր ռոմանոգերմանական բանասիրության ամբիոնի վարիչ Հասմիկ Բաղդասարյանը: Կազմակերպչական հարցերում նրան օգնել էր ԵՊՀ մշակույթի կենտրոնի տնօրեն` Դավթյան Կարինեն:
Միջոցառման ժամանակ խոսվեց իտալական ապրանքանիշների, ազգային հագուստի և դիզայնի մասին: Հրավիրվածների շարքում էին Երևանում Իտալիայի դեսպան Ջովանի Ռիչուլին, ԵՊՀ-ի ռոմանոգերմանական բանասիրության ֆակուլտետի դեկան Սամվել Աբրահամյանը, փոխդեկան` Գևորգ Բարսեղյանը, ինչպես նաև Երևանի Կոմիտասի անվան պետական կոնսերվատորիայի լավագույն ուսանողներից, ովքեր իրենց անմոռանալի կատարումներով հիացրեցին ներկաներին:
Անցած տարիներին ևս կազմակերպվել էին նմանատիպ միջոցառումներ հետևյալ խորագրերով` «Երաժշտության իտալերենը» և «Իտալերենի երաժշտականությունը»: Միջոցառումները շարունակական են և բազմաբնույթ:
Վարսիկ Սահրադյան
2-րդ կուրս
