Գյումրու ուսանողական թատրոնի տոնական բեմում «Կաղանդ պապիկը և իր խլվլիկները» զվարճալի, ժամանցային, բայց միևնույն ժամանակ ուսուցողական և իմաստալից ներկայացումն էր։
Բեմում 3-րդ կուրսի ուսանողներն էին։ Ներկայացումը խլվլիկների մասին էր, ովքեր ուզում էին բերել Կաղանդ պապիկին, քանի որ եկել էր Ամանորը։ Ներկայացման ժամանակ վերհանվեց ավանդական հայկական Ամանորի խորհուրդը՝ հակադրելով ժամանակակիցին։ Փոքրիկներին և անգամ շատ մեծերին հիշեցվեց Կաղանդ պապիկի մասին, որին վաղուց փոխարինելու է եկել Ձմեռ պապը։ Պատմվեց Տարեհացի և մրգերի մասին, որոնցով իրենց տունն են զարդարել ավանդական հայ ընտանիքները։
Ներկայացման սցենարիստը և ռեժիսորը ՀՀ վաստակավոր արտիստ Հովհաննես Հովհաննիսյանն էր։
Դավիթ Մարդոյանը, ով մարմնավորում էր խլվլիկներից մեկի դերը, նշեց, որ ներկայացման գերխնդիրն էր վերադառնալ ակունքներին և հավատարիմ մնալ ազգային սովորույթներին։
Լեփ-լեցուն դահլիճից փոքրիկները հեռացան բարձր տրամադրությամբ և ավանդականի կարևորությունը իրենց մեջ ամրապնդած։ Նման մշակութային միջոցառումները իրենց նպաստն են բերում ազգայինի ճանաչմանը, պահպանմանն ու գնահատմանը։
![](https://i1.wp.com/journalist.am/wp-content/uploads/2018/12/48429511_2178691355714494_8901089523597836288_n.jpg?fit=640%2C480&ssl=1)
Լուսինե Հակոբյան
1-ին կուրս