«ԵՍ ՉՈՒՆԵՄ ԵՐԱԶԱՆՔՆԵՐ, ՔԱՆԻ ՈՐ ԱՊԱԳԱՆ ԱՅՆ ՏԵՂԸ ՉԷ, ՈՐԻ ՀԱՄԱՐ ԵՍ...

«ԵՍ ՉՈՒՆԵՄ ԵՐԱԶԱՆՔՆԵՐ, ՔԱՆԻ ՈՐ ԱՊԱԳԱՆ ԱՅՆ ՏԵՂԸ ՉԷ, ՈՐԻ ՀԱՄԱՐ ԵՍ ԿՍՏԵՂԾԵՄ ԵՐԱԶԱՆՔՆԵՐ». ԱՐԱՄ ԱՎԵՏԻՍ

1955

«Կույր կետադրություն» գրքի, իր գրական աշխարհի և առաջիկա նորությունների մասին զրուցել ենք 29-ամյա  գրող, արձակագիր, կինոգետ Արամ Ավետիսի հետ:

-Ինչո՞ւ Արամ Ավետիս, ոչ թե Ավետիսյան:

-Իմ ազգանվան մի մասն է: Դա հեգնանք է: Իմ գրականության մեջ չկա ոչինչ բարի: Ավետիսը գուցե նորություն որպես, ոչ թե բարի լուր, այլ բառի լուռ, այսինքն՝ բառի լռություն: Իմ բերանում բառերը դառնում են լռություն, և ես երազների լեզվով եմ խոսում: Այս ամենը կոչվում է Ավետիս կամ նորություն:

-Երբևէ կպատկերացնեի՞ր, որ կգա ժամանակ, ու մարդիկ կընթերցեն քո հեղինակային գրքերը

-Ես գրելուց դրա մասին չեմ մտածել, և հենց դա է ինձ օգնել գրել։

– 2017 թվականին լույս է տեսել քո առաջին գիրքը՝ «Կույր կետադրություն» վերնագրով, ինչպիսի՞ն էին արձագանքները:

Շատ հակասական: Հակասական լինելը առաջին նախապայմանն է լավ գրականության համար:

– Ինչո՞ւ «Կույր կետադրություն»:

-Սա ազատության և սահմանների կռիվն է, սա տեսնող աչքի և կույր մտքի կռիվն է:                            

-Ւ՞նչն է քո ոգեշնչման աղբյուրը, կամ՝ ո՞վ:

-Ոգեշնչվում եմ ես իմ կարդացած գրքերով ու իմ կյանքով, սս նշանակում է՝ ինքս ինձ եմ ոգեշնչում։

-Դու սկսել ես ստեղծագործել 17 տարեկանից, իսկ ինչո՞ւ ոչ ավելի շուտ:

-Ուզում էի դեռ ապրել:

Ւնչպիսի՞նն է Արամն առօրյա կյանքում և գրական աշխարհից դուրս:

-Երբեմն տանելի, բայց շատ հաճախ հակառակը:

Մանկուց երազանք կամ նպատակ ունեցե՞լ ես դառնալ գրող, արձակագիր:

-Փոքրուց սիրում էի կարդալ, բայց չէի մտածում, որ կգրեմ:

Կարգախոս:

-Չլինել ուղղակի սպառող:

Ի՞նչ երազանքներ ունես:

-Ես չունեմ երազանքներ, քանի որ ապագան այն տեղը չէ, որի համար ես կստեղծեմ երազանքներ:

՞նչը կարող է խանգարել ստեղծագործելիս:

-Իմ այն մտքերը, որ երբեմն ավելի շատ են, քան իմ ներսի գրականությունը:

-Կյանքի բեկումնային շրջան:

-Երբ ես որոշեցի, որ իմ մտքերը մենակ իմը չեն: Տպագրեցի ու հասկացա, որ դրանք միշտ էլ կմնան մենակ իմը: Նրանք չկարողացան միավորել իմ շուրջը հավաքված մարդկանց, այլ հակառակը՝ նրանք դարձան այն պատը, որը ակնհայտ մեկուսացրեց ինձ:

-Արամ Ավետիսն ունի՞ ընտրյալ:

-Ոչ:

-Ամենաշատը ինչի՞ց ես վախենում:

-Բուկովսկու ասած՝ ամբոխի հանճար լինելուց:

-Առաջիկայում սպասվո՞ւմ են նորություններ:

-Մի ամսից կտպագրվի իմ նոր՝ «Ճարտարապետական մուտացիա» գիրքը անհատի ու քաղաքի բախման մասին:

Հարցազրույցը՝ Սիլվի Նազարանի

2-րդ կուրս

Կիսվել