Շենգավիթում գտնվող բանվորի աշխատանքը փառաբանող արձանը 90-ականներին ապամոնտաժվեց: Այսօր բանվորի արձանը կարելի է օնլայն հետ բերել՝ էկրանից այն կողմ աշխատող թիմի մտքի շնորհիվ:
Մեր երկրի տեխնոդեմքերը համոզված են, որ ֆիզիկական աշխատանքին փոխարինելու է գալիս մտքի բանվորությունը։
Ծրագրավորող Դավիթ Քոչարյանն այն կարծիքին է, որ ծրագրային աշխատանք կատարողն է 21-րդ դարի բանվորը։
Այսօր փոխվել է փող աշխատելու ձևն ու ճանապարհը: Կարելի է հարստանալ օնլայն փողերի մայնինգով, «Գահերի խաղը» ֆիլմը նկարելով կամ արտոնյալ գործարար դառնալով: Ինչպես ամբողջ աշխարհում, մեր երկրում ևս, նոր տեխնոլոգիաներն են ժամանակի առաջատարերը ։
Որակի ապահովման ինժեներ Արթուր Մկրտչյանը ասում է, որ իրենք փորձում են ստեղծել որակյալ աշխատուժ, Հայաստանը դարձնել որակյալ ինժեներական ծառայություններ տրամադրող երկիր:
Այս ընկերություններում դժվար է գտնել մեկին ով կցանկանար այլ մասնագիտություն ունենալ:
-Երբ թոշակի անցնելու լինեմ, հնարավոր է ՝ գինեգործությամբ զբաղվեմ,- ասում է ավտոմատացման ինժեներ Սուրեն Ղարագյոզյանը:
Նախորդ տարի ըստ ‹‹Forbes››-ի՝ աշխարհի լավագույն գործատուների եռյակը IT ոլորտից են եղել՝ ‹‹ GOOGLE ››, ‹‹ MICROSOFT››, ‹‹APPLE››: Հիմա այս ընկերությունները մրցում են՝ ով ավելի հարմարավետ պայմաններ կառաջարկի:
Ծրագրավորմամբ զբաղվող ընկերություններում աշխատողների համար լիցքաթափվելու և սթրեսից դուրս գալու հարմար հատուկ պայմաններ են ստեղծվում: Կա մարզասրահ, որտեղ կարող են մարզվել, ինչպես նաև անցակցնել յոգայի և անգլերենի պարապունքներ։
Միջինում 600 հազար դրամ աշխատավարձով տեխնոոլորտում կարևորը կոդեր գրելն է: Աշխատողները չեն բողոքում, որ բոլոր օրերը աշխատանքային են․ նրանք գոհ են իրենց աշխատանքից:
Արմենուհի Պետրոսյան
5-րդ կուրս
