«Արտադրված է Հայաստանում» մակնշմամբ ձիթապտուղն արդեն արտասահմանում շատերին է զարմացրել: Հայաստանում գործող ձիթապտղի գործարանը միասին հիմնել են Էդգար Խառատյանն ու ամերիկահայ գործարար Նիկոլա Խաչատուրյանը 2002թ․- ին, որը ի դեպ, միակն է տարածաշրջանում։Ձիթապտուղ Հայաստան են ներկրում Եգիպտոսից և Հունաստանից․ ձեռք են բերում անմիջապես գյուղացուց:
-Ձիթապտղի մշակումը հեշտ չէ,- ասում է ձեռնարկության տնօրենը: Այդ ամենին էլ ավելացրած տեղական հարկերն ու մաքսատուրքերը ,որոնց պատճառով ընկերությունը կարող էր աստիճանաբար դուրս մնալ մրցակցությունից: Նույնիսկ 1 տարի առաջ Էդգարը կանգնեցրել էր արտադրությունն ու հեռացել երկրից:
Ընկերության տնօրենը նշեց, որ հումք ներմուծել և հումքի վրա մաքսատուրք վճարելը շատ է բարդացրել գործընթացը:
Իսկ այժմ հումքի ներմուծման համար ընկերությունն այլևս մաքսատուրք չի վճարում, ինչի արդյունքում Հայաստանում վերամշակված ձիթապտուղն արդեն մրցունակ է:
-Ունենք լուրջ մրցակիցներ համաշխարհային շուկայում, և հույս ունենք, որ այս մեծ արտոնությունը շատ ճանապարհներ կբացի մեզ համար․ ծավալները կշատանան, արդյունքում կստեղծվեն նոր աշխատատեղեր,- հավելեց Էդգար Խառատյանը: Վերամշակվում է մոտ վաթսուն տեսակի ձիթապտուղ: Պատրաստի արտադրանքը արտահանվում է Վրաստան, Ուկրանինա և Ռուսաստան:
Արմենուհի Պետրոսյան
5-րդ կուրս
