Ապրիլյան քառօրյա պատերազմ՝ լայնամասշտաբ ռազմական գործողություններ Արցախի Հանրապետության պաշտպանության բանակի և Ադրբեջանի Հանրապետության զինված ուժերի միջև արցախա–ադրբեջանական շփման գծի ողջ երկայնքով, որը սկսվել է 2016 թվականի ապրիլի 1–ի լույս 2-ի գիշերը։ Առավել թեժ մարտեր են ընթացել արցախա–ադրբեջանական շփման գծի հարավային (Հադրութ) և հյուսիսարևելյան (Մարտակերտ) ուղղություններում:
Քառօրյա պատերազմի ժամանակ իր զինվորական ծառայությունն է իրականացրել մեր զրուցակից Կարապետ Սարգսյանը:
– Կարապետ , գիտեմ, որ ծառայության մեկնել ես ոչ 18 տարեկանում, տարիքային որոշակի տարբերությունը խանգարե՞լ է երբևէ:
-Ոչ, հակառակը, օգնել
է, ավելի լավ հասկանալու զինվորի և սպայի հոգեբանությունը, հասկանալու ով ինչ առաքելություն
ունի։ Ամենահեշտը եղել է սննդի հետ հարմարվելը, ամենադժվարը ՝ կարոտը։
– Զորամասում միշտ զինվորական վարժություններ, պատրաստություններ իրականացնում էիք, երբևիցե կպատկերացնեիր, որ այդ գործողությունները կկիրառես պատերազմական իրավիճակում:
-Այո, իհարկե, պատկերացրել
եմ։ Ցանկացած զինվոր գիտակցում է, որ բանակ եկել է իր պարտքը կատարելու, ոչ թե հենց
այնպես, ուղղակի ծառայելու համար:
– Ձեր դիրքերի ուղղությամբ եղե՞լ են ադրբեջանական մարտական զրահատեխնիկայի կուտակումներ պատերազմից առաջ:
Անշուշտ։ Բազմիցս զեկուցվել է հրամանատարությանը, սակայն ամեն անգամ մեզ պատասխանում էին, որ դրանք ընդամենը զորավարժություններ են: Մենք այդ գիտեինք, որ ամեն պահի իրավիճակը կարող էր փոխվել՝ վերածվելով մարտական գործողությունների: Այդպես էլ եղավ:
– Ապրիլի մեկի լույս երկուսի գիշերվանից ո՞րն է եղել քո համար առաջին տպավորությունը, ե՞րբ հասկացար, որ պատերազմական գործողություններն արդեն սկսվել են:
-Երբ հասնելով մեքենաների կայանման վայր՝ տեսանք, որ բոլոր տանկերի շարժիչները միացրած են, իսկ մի քանիսն էլ արդեն ճանապարհ էին ընկել։
– Ի՞նչ է փոխել քո կյանքում Ապրիլյան քառօրյան:
-Քառօրյան ինձ տվել է վստահություն ՀԱՅԻ նկատմամբ, վստահություն մեր ոգու, մեր կամքի նկատմամբ։ Հաջորդ անգամ արդեն մենք մինչև վերջ առաջ կգնանք։
Ալվարդ Ուդումյան
5-րդ կուրս
