Այսօր աշխարհի նորաձեւ տղամարդիկ պետք է անպայման մորուք ունենան : Նորաձեւությունում պարբերաբար կարելի է տեսնել մորուքը խնամելու տենդենցներ, որոնք տարածվում են աշխարհով մեկ ու հասնում գեղեցկության սրահներ:
Վարսահարդար Հարութ Ջուլհակյանը առանձնացրել է մորուքը խնամելու մի քանի խորհուրդ: Նախ եւ առաջ պետք է դիմել հմուտ մասնագետի, ով ճիշտ խորհուրդներ կտա, թե ինչպես խնամել ու մշակել մորքը եւ կկարողանա որոշել դեմքին համապատասխան մորուքի ձև: Պետք է լվանալ և օգտվել խնամող նյութերից, դրանք են՝ հատուկ շամպուններ, կոնդիցիոներներ, փափկացնող նյութեր, որոնք ապահովում են մորուքի փափկությունը, փոխանցում բուրմունք եւ փայլ: Խորհուրդ է տրվում օգտագործել բնական մազերից պատրաստված խոզանակ կամ բնական փայտից սանր, բայց ոչ մի դեպքում չպետք է օգտագործել մետաղից պատրաստված սանրեր: Վերջին շրջանում շատերը ներկում են մորուքները՝ թաքցնելով սպիտակ մազերը: Սակայն պետք է ընտրել ճիշտ ու որակյալ ներկ, որը չի չորացնի մազերը և անիմաստ չի դարձնի խնամքի մյուս միջոցների օգտագործումը: Հետևելով այս խորհուրդներին՝ դուք կունենաք խնամված և գեղեցիկ մորուք:
Սիլվի Գրիգորյան
3-րդ կուրս
