ԹԱՐԳՄԱՆՈՒԹՅԱՆ ԱՐԴԻ ԽՆԴԻՐՆԵՐԸ ԶԱՎԵՆ ԲՈՅԱՋՅԱՆԻ ՀԵՏ

ԹԱՐԳՄԱՆՈՒԹՅԱՆ ԱՐԴԻ ԽՆԴԻՐՆԵՐԸ ԶԱՎԵՆ ԲՈՅԱՋՅԱՆԻ ՀԵՏ

1040

Ըստ Զավեն Բոյաջյանի՝ թարգմանական գործի որակական առաջընթացին խանգարում են հայերեն բառարանների հին լինելը, տեսական գրականություն և տառադարձային քարտեզ չունենալու խնդիրները:

Վարպետության դասը  նվիրված  էր գեղարվեստական գրականության թարգմանության մի քանի հարցերի: Դասը տեղի ունեցավ սեպտեմբերի 23-ին «Զանգակ» գրատանը, որն ընթերցողին է ներկայացնում միջազգային գրքի շուկայի լավագույն նմուշները: Ներկա էին գեղարվեստական գրականությամբ տարված երիտասարդներ և ավագ սերնդի ներկայացուցիչներ:

Զավեն Բոյաջյանն առաջադրեց ինտեգրող թարգմանության  հիմնահարցը՝ գեղարվեստական թարգմանությունը համարելով համաշխարհային անցուդարձի մեջ ներգրավվելու գլխավոր զենք:  

«Թարգմանական գործը կարող ենք նմանեցնել դերասանի աշխատանքի հետ: Ինչպես կան դերասաններ, որոնք ունեն լայն, մեծ դիապազոն, կարող են խաղալ ողբերգական, կոմիկական դերեր, այնպես էլ կան դերասաններ, որոնք ավելի նեղ ռեպերտուար ունեն: Օրինակ՝ Օլեգ Յանկովսկին, որ շատ լավ դերասանն էր, բայց կլասիկ ռեպերտուարում անընկալելի էր: Նույնը կարող ենք ասել թարգմանիչների մասին. հրատարակչի խնդիրն է կարողանալ ճիշտ թարգմանիչ ընտրել համապատասխան գրքի համար»,- նշեց թարգմանիչը:

Զ. Բոյաջյանը կարևորություն տվեց նաև ինքնազարգացման, այսպես ասած «տնայնագործման» մեթոդին և այս համատեքստում խոսեց մատչելի գրողների մասին. «Հիմնականում մեր հրատարակչությունները հրատարակում են մեծանուն գրողների գրքեր, բայց չպետք է մոռանալ նաև այն գրողներին, որոնք ավելի մատչելի են ստեղծագործում, քանի որ սերը դեպի ընթերցանություն կարող է սկսվել պարզ գրականությունից»:  
                                                                                                                                                     

Վիկտորյա Հովեյան,

2-րդ կուրս

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                      

Կիսվել