«Քայլիր, որ քայլեն» ծրագիրը մեկնարկել է 2023 թ-ի հունիսին։ Մրցույթի ընթացքում մասնակիցները քայլում են, իսկ նախաձեռնությունը քայլերի թիվը գումարի է վերածում և այդ գումարով սարքեր է գնում հաշմանդամություն ունեցող զինվորների համար։ Բարեգործական մրցույթի կազմակերպիչ Ժաննա Հարությունյանի հետ զրուցել ենք ծրագրի 4-րդ փուլի, դրա արդյունքների և առավելությունների մասին։
-Մրցույթի գաղափարն առաջացավ այն ժամանակ, երբ զինվորական հոսպիտալում բուժառուներից մեկին ասել էին, որ էլ երբեք չի խոսի։ Այդ ժամանակ սարքի հեղինակը` Դավիթը, «Գետաշեն» երգը երգելով, մտել էր սենյակ, իսկ այդ տղան ձայնակցել էր։ Հետո պարզվեց, որ «Գետաշենը» իրենց վաշտի երգն է եղել։ Ու քանի որ ուղեղային հիշողությունն այդ տղայի դեպքում ակտիվացավ, որոշվեց մկանային հիշողությունը ևս ակտիվացնել։
-Այժմ ընթանում է «Քայլիր, որ քայլեն» ծրագրի 4-րդ փուլը. քանի՞ մասնակից է դիմել ծրագրին և որքա՞ն է եղել քայլերի ընդհանուր թիվը։
-Ծրագրին դիմել է մոտ 500 մասնակից։ Յուրաքանչյուրի 1 քայլը 1 դրամ է, որը օգտագործվում է բարեգործական նկատառումներով։ Մասնակիցների ակտիվության շնորհիվ ստացվել է 13 միլիոն դրամ։
-Քանի՞ զինվորի են աջակցելու այդ քայլերը։ Ինչպիսի՞ սարքերով եք ապահովելու նրանց։
-Այս փուլի ընթացքում հաշմանդամություն ունեցող 6 զինվորների պահովելու ենք Meta Gait վերականգնողական բուժման սարքերով։ Սարքի հեղինակը Դավիթ Արսենյանն է, ով 2016 թվականի պատերազմից հետո աշխատում է հաշմանդամություն ունեցող անձանց հետ։ Մասնագիտությամբ կինեզիստ է։
-Այս փուլում ծրագիրն ի՞նչ առավելություններ է ունեցել և ինչպիսի՞ դժվարությունների եք բախվել։
-Մրցույթի 4-րդ փուլի ընթացքում հիմնական դժվարությունը հովանավորներ գտնելն էր, որովհետև պատերազմից շատ ժամանակ է անցել, ու թեման այլեւս արդիական ու հուզական չի։
-Ինչպե՞ս եք տեղեկանում այն զինվորների մասին, ովքեր ունեն հենաշարժողական խնդիր։ Արդյոք նրանք կարող Ձեզ դիմել օգնություն ստանալու համար։
-Զինվորների մասին տեղեկանում ենք Դավիթից։ Հիմնականում իր բուժառուներն են, որոնց հետ աշխատել է։ Դիմել չեն կարող, քանի որ մենք արդեն իսկ ունենք այն մարդկանց ցուցակը, ում հետ պետք է աշխատենք։
-Ի՞նչ սպասել առաջիկայում բարեգործական մրցույթից։
-Նախատեսում ենք 5-րդ փուլ, որն ամենամյա ծրագիր կլինի ու ամեն անգամ տարբեր նախագծերի կաջակցի։
Հարցազրույցը՝ Ալլա Մանուկյանի
3-րդ կուրս
