«Այս տարի Հայաստան այցելությունների ընդհանուր թիվը 2մլն․ 800 հազար է, որից, վիճակագրական տվյալներով, զբոսաշրջիկների թիվը կազմում է 1մլն․ 259 հազար 657։ Այսինքն անցյալ տարվա համեմատ զբոսաշրջիկների այցելության թիվը աճել է 5,7 տոկոսով։ Այն հիմնականում ապահովել են ՌԴ-ից, Իրանից, Արաբական Էմիրություններից, Չինաստանից և մի քանի այլ երկրներից»։
Այս մասին լրագրողների հետ ասուլիսի ժամանակ տեղեկացրեց զբոսաշրջության պետական կոմիտեի նախագահ Զարմինե Զեյթունցյանը։ Նրա խոսքով, արդեն մշակվել և կառավարությանն է ներկայացվել ոլորտի զարգացման 2017-2020 թթ․ հայեցակարգը։
Զեյթունցյանը տեղեկացրեց նաև, որ աճ կա ներքին զբոսաշրջության մեջ․ այն կազմել է 11 տոկոս, որում զգալի դեր ունի սոց-փաթեթների ճանապարհորդելու հնարավորթյունը։
Իսկ այն հարցին, թե արդյոք կսառեցվեն սոց փաթեթների հանգստի բաղադրիչը, նա նշեց․
«Դեռ չի սառեցվի և հույս ունենք, որ նման բան չի լինի»։
Կոմիտեի նախագահը վստահեցրեց, որ արտասահմանցի զբոսաշրջիկի համար Հայաստանը բավական մատչելի է, և որ ցանկացած գրպանի համար մեր երկրում կա հանգստանալու հնարավորություն։
«Այսօր մենք բազմաթիվ հանդիպումներ ենք ունենում նաև համայնքապետերի և մարզերից եկած բնակիչների հետ և քննարկում նրանց կողմից առաջարկած տարբեր բիզնես ծրագրեր»։
Տիկին Զեյթունյանցը նշեց, որ նրանց ոգևորել է վարչապետի խոսքը․ «Ծրագիրը ներկայացնելիս ուզում եմ տեսնել ձեր երազանքը»։
Աննա Կոստանյան
2-րդ կուրս
