Երբ նորաձևությունում պարբերաբար զարգացնելու և զարմացնելու նոր մտքեր, օգնության է հասնում մոռացված հինը, որն այս դեպքում հայկական ավանդական տարազն է:
Տարազների հերթական մուտքը նորաձևության աշխարհ սկսվեց 2 տարի առաջ, երբ երգչուհի Սիրուշոն թողարկեց «Պռեգոմեշ» հայկական տարազային զարդերի հավաքածուն: Դրանից հետո մինչ օրս հայկական և համաշխարհային նորաձևության տներից ոմանք իրենց հավաքածուներում երբեմն զետեղում էին հին հայկական տարազներ և զարդանախշեր: Սկսվեցին ցուցադրություններ, ֆոտոնախագծեր, և վերածնված հինը իր հաստատուն տեղը գտավ:
2015 թվականի սկզբին աշխարհահռչակ Dolce & Gabbana նորաձևության տունը իր D&G family համաշխարհային ընտանեկան ֆոտոալբոմում ներկայացրեց հայկական ավանդական տարազներով ընտանիքի լուսանկար, որը Էմմա Մարաշլյանի և Տերյան մշակույթի կենտրոնի հետ համատեղ պատրաստած ֆոտոշարքից էր:
Burberry հանրահայտ ապրանքանիշը իր հավաքածուն համալրեց տարազային նախշերով կարված պայուսակներով:
Ամռանը հայ դիզայներները նույնպես ներկայացրին հավաքածուներ՝ այս անգամ ամբողջությամբ արտացոլելով հին հայկական զգեստապահարանը: Գևորգ Շադոյանը առաջինն էր, ով հանրությանը ցուցադրեց մի ամբողջական հավաքածու՝ նվիրված Ցեղասպանության 100-ամյակին, ներկայացվեցին հայկական տարազներ՝ ինքնատիպ լուծումներով, ժամանակակից տարրերի համադրությամբ:
Արամ Նիկոլյանը ևս անդրադարձավ այս թեմային, և երկայացրեց «Ուրֆա. Վերածնված արժեքներ» հավաքածուն: Ցուցադրվեցին երեկոյան, կոկտելային զգեստներ՝ տարազային ձևվածքով, համադրված «Պռեգոմեշ» հավաքածուի զարդերով: Դիզայների խոսքով հիմանակն նպատակը եղել է հին հայկական զգեստների որոշ դետալներ հարմարեցնել 21-րդ դարի էլեմենտներին, և հենց Ուրֆաի տարազները իրենց ոսկյա և արծաթյա ասեղնագործություններով շքեղություն էին հաղորդում, իսկ հավաքածույի վերաբերյալ արձագանքները դրական և անսպասելի էին և՛ Հայաստանում, և՛ արտերկրում:
Օգոստոս ամսին մայրաքաղաքի կենտրոնում անցկացվեց «Երևան Տարազ ֆեստ» առաջին փառատոնը, որը կազմակերպել էին Երևանի քաղաքապետարանը և Տերյան մշակութային կենտրոնը, որը հին հայկական ավանդական հագուստի պահպանողն ու ներկայացնողներից մեկն է:
Փառատոնում ներկայացվեցին վերը նշված հավաքածուներից զգեստներ, անհատ դիզայներների աշխատանքներ, որոնք պատահական անցորդներին մի պահ տեղափոխեցին Հայաստանի տարբեր նահանգներ:
Որոշ հայ ոճաբաններ տարազների մուտքը նորաձևություն համարում են սխալ և ասում, որ այն պետք է մնա, որպես հին հայկական մշակույթի նմուշ: Այդուհանդերձ «տարազային» հետաքրքրությունը չմարեց և տեղափոխվեց ավելի լայն հարթակ:
Համաշխարհային Vogue ամսագրի ռուսաստանյան տարբերակը հոկտեմբերին կներկայացնի հայկական թեմատիկայով ֆոտոշարք՝ արված Հայաստանում` մասնավորապես Գյումրիում, որը նույնպես համալրված կլինի հայկական զգեստներով և աքսեսուարներով:
Հասմիկ Չաթալյան
4-րդ կուրս
