Մարտի 5-ին՝ Սպարապետի ծննդյան օրը, Մեծամոր քաղաքում տեղի ունեցավ Վազգեն Սարգսյանի անվան երիտասարդական կենտրոնի բացումը։ Կառույցը հիմնադրել են մի խումբ երիտասարդներ, ովքեր ջանք չեն խնայել իրենց նպատակը կյանքի կոչելու համար:
«Այսօր Մեծամոր քաղաքում բացվում է իր ֆորմատով ու տեսակով ամենատարբերվող առաջին երիտասարդական կառույցը: Այն կրում է Վազգեն Սարգսյանի անունը, և մեր գաղափարախոսությունը ընկած է լինելու սպարապետյան գաղափարախոսության հիմքերի վրա»,- բացման խոսքում նշեց համահիմնադիրներից մեկը:
Միջոցառման ժամանակ կենտրոնի երիտասարդները շնորհակալագրեր հանձնեցին բարերարներին, աջակից անհատներին և կազմակերպություններին, որոնք իրենց պատրաստակամությունն էին հայտնել օժանդակել կենտրոնի հիմնքդրմանը:
«Մեր նպատակը եղել է Մեծամոր խոշորացված համայնքի երիտասարդների համար քաղաքում ստեղծել մի անկյուն, որտեղ երիտասարդները կկարողանան գրքեր կարդալ, զարգանալ ու դասերից զատ ունենալ կրթելու այլընրանքային ճանապարհ»,-իր խոսքում նշեց համահիմնադիր Շողեր Ղլիջյանը և հավելեց, որ նրանց գործունեությունը լինելու է շարունակական և անելու են ամեն բան, որ այն ծառայի համայնքի երիտասարդների համախմբմանն ու զարգացմանը:
Կենտրոնի բացման արարողությունից անմիջապես հետո Մեծամորի համայնքապետարանի բակում տեղի ունեցավ հայակական, ռազմական պարերի ու երգերի ուսուցում, հին ծիսակատարություններ ու խաղերգեր: Միջոցառման ավարտին երիտասարդներն ավելացրին, որ սա դեռ սկիզբն է ու իրենք շատ նպատակներ ու ծրագրեր ունեն իրագործելու:
Անի Ստեփանյան
2-րդ կուրս
