«ՄԱՅԱՄԻ, ԵՐԵՔ ՀԱՐՅՈՒՐ ՀԱԶԱՐ ՀԱՆԴԻՍԱՏԵՍ ԻՄ ԱՌԱՋ, ՈՒ ՀԱՅԱՍՏԱՆԻ ԴՐՈՇԸ ՄԵՋՔԻՍ». ԴԱՎԻԹ...

«ՄԱՅԱՄԻ, ԵՐԵՔ ՀԱՐՅՈՒՐ ՀԱԶԱՐ ՀԱՆԴԻՍԱՏԵՍ ԻՄ ԱՌԱՋ, ՈՒ ՀԱՅԱՍՏԱՆԻ ԴՐՈՇԸ ՄԵՋՔԻՍ». ԴԱՎԻԹ ԳՐԵԳ

672

«Ամենալավ աշխատանքը բարձր վարձատրվող հոբբին է»,-այսպես է ասել Հենրի Ֆորդը, իսկ նրա հետ համակարծիք է իմ զրուցակիցը` ԵՊՀի ֆարմացիայի ինստիտուտի ուսանող, մասնագիտությամբ դեղագետ Դավիթ Գրիգորյանը: Նա, ընտրելով երաժշտությունը որպես հոբբի, դարձավ Դավիթ Գրեգ: Նա իր ընկերների հետ միացրեց տարբեր ժամանակների, ազգությունների ու լեզուների երգերը և ստեղծեց Armenian Mashup-ը: Եվ ահա այսօր այն ունի 12 միլիոն դիտում: Թե ինչպես եղավ, ու դեռ ինչեր պետք է լինեն՝ մեզ հետ զրույցում պատմեց Դավիթը։        

Ե ՞րբ և ինչպե՞ս որոշեցիք զբաղվել երաժշտությամբ:

-Երաժշտությամբ սկսեցի զբաղվել, երբ վերջացրի զինվորական ծառայությունս: Նախքան  բանակն էլ սիրողական կիթառ նվագել էի սովորում: Բայց,  վերադառնալուց  հետո, երաժշտությունը դարձավ ապրելակերպ:

Հե՞շտ էր արդյոք համալսարանական  երիտասարդին ստեղծել այնպիսի մի  աշխատանք, որը հիմա յութուբում ունի 12 միլիոն դիտում: Ի ՞ նչ ճանապարհ եք անցել, կխոսե՞ք այդ մասին:

-Դե, բնականաբար, հեշտ չէր: Ճանապարհը սկսվեց հենց համալսարանից: Ուսանողական խորհրդում  ներառվել էի  որպես ակտիվ ուսանող, այդտեղ էլ  ծանոթացա մեր էրեխեքի հետ:  Երբ Արցախ էինք գնացել, Եղնիկներում միջոցառում պետք է անցկացնեինք ու այդ ճանապարհին կիթառով  նվագելով, էդ երգերը երգում էինք իրար հետևից, միտք առաջացավ, որ արժե այսպես անել, բայց արդեն պրոֆեսիոնալ մակարդակով:

Ե րբ պատրաստում էիք առաջին Armenian Mashup-ը, սպասո՞ւմ էիք, որ այսպիսի արձագանք կունենա: Ի ՞ նչ ապրումներ ունեիք:

-Ես սպասում էի. այդքան՝ 11-12 միլիոն չէ, բայց սպասում էի, որ միլիոնը կանցնի: Համեմատելով մյուսների հետ` ես մոտավորապես գիտեի, թե իմ աշխատանքն ինչ արդյունք կտա: Բայց, որ 12 միլիոն դիտում կունենա մեկ տարում, չէի սպասում:

Վերջերս  համագործակցեցիք Աղաս Մանուկյանի հետ , ում  երգը դարձավ Ամանորի  թեմայով ամենաշատ դիտում ունեցած երգը` 4 միլիոն: Ինչպե ՞ ս ստացաք համագործակցության առաջարկը:

-Աղաս Մանուկյանի հետ նախկինում  կապ եղել է, բայց շատ քիչ: Երկրորդ Armenian Mashup-ի ժամանակ մեզ հրավիրել էր, որպեսզի իր Stand Up ներկայացման բացմանը երգենք մեր առաջին երկու Mashup-ները: Բայց արդեն Armenian Mashup 4-ից հետո առաջարկեց միասին ստեղծել մի աշխատանք, որը կտեղակայվի իմ  Յութուբյան ալիքում, ու արեցինք: Արմեն Պետրոսյանը (Մենչը) մի գերնպատակ էր դրել, որ Նոր տարվա վերաբերյալ այդ աշխատանքով պետք է գերազանցենք բոլորին:

Սպասվում ե՞ ն նոր աշխատանքներ հանրաճանաչ մարդկանց  հետ:

-Բնականաբար, արդեն կան: Հենց Աղաս Մանուկյանն էլ նոր առաջարկներ ունի, բայց բացի այդ վեց-յոթ արդեն կայացած արտիստների հետ ծրագրեր կան:

Ինչպիսի ՞ ն է  Ձեր պատկերացումների  Դավիթը տասը տարի անց:

-Մայամի, երեք հարյուր հազար աուդիտորիա իմ առաջ ու Հայաստանի դրոշը մեջքիս:

Ներկայացնում ենք բլից  հարցում Դավիթ Գրեգի հետ:

-Ո՞րն է Ձեր բնավորության ամենացայտուն գիծը:

-Նպատակասլացություն:

Ի՞նչն եք ամենաշատը գնահատում մարդկանց մեջ:

-Ազնվությունն ու աշխատասիրությունը:

Ո՞րն է Ձեր ամենամեծ  թերությունը:

– Ժամանակի հանդեպ թափթփվածությունը:

Այս պահին ի՞ նչ հոգեվիճակում եք:

– Բարձր տրամադրությամբ:

Կարողություն, որով կցանկանայիք օժտված լինեք:

– Լինել ամենազոր:

Ո՞րն է Ձեր սիրելի գրական հերոսը:

– Գիքորը:

Եթե հանդիպեիք Աստծուն, ի՞ նչ կասեիք:

–  Կասեի՝ Արցախը հանգիստ թողեն:

Եթե հանդիպեիք սատանային, ի՞ նչ կասեիք:

– Էլի կասեի՝ Արցախը հանգիստ թողնի:

Ի՞ նչի համար եք ամենից շատ ափսոսում:

– Որ արդեն 23 տարեկան եմ:

Եթե իմանայիք, որ սա Ձեր վերջին խոսքն է, ի՞ նչ կասեիք:

– Կասեի` ցտեսություն:

Վարդուհի  Հովհաննիսյան

 2-րդ կուրս

Կիսվել