ՍԵՎ ՀԱԳՈՒՍՏԻ ԳԵՐԻ ԴԱՌՆԱԼԸ ՀՈԳԵԿԱՆ ԽԱՆԳԱՐՈՒՄ, ԹԵ՞ ՈՒՇԱԴՐՈՒԹՅՈՒՆ ԳՐԱՎԵԼՈՒ ՄԻՋՈՑ

ՍԵՎ ՀԱԳՈՒՍՏԻ ԳԵՐԻ ԴԱՌՆԱԼԸ ՀՈԳԵԿԱՆ ԽԱՆԳԱՐՈՒՄ, ԹԵ՞ ՈՒՇԱԴՐՈՒԹՅՈՒՆ ԳՐԱՎԵԼՈՒ ՄԻՋՈՑ

121

Պայծառատեսներն ու  էզոթերիկայով զբաղվողները սև գույնը համարում են մահվան գույն, թեպետ հայերի մեծամասնության մոտ նույնպես սևը խորհրդանշում է մահվան գույնը: Բայց դրան հակառակ, այն խորհրդանշում է ուժ, կայունություն:

21 ամյա Լյուսին,  3 տարի է՝ ամեն օր կրում է սև հագուստ, նկարչուհի է և սովորել է Թերլեմեզյանի անվան գեղարվեստի քոլեջում:

— Մի քանի տարի առաջ, երբ ընդունվեցի քոլեջ, որոշեցի տարբերվել բոլորից ու ընտրեցի «սև հագուստ»-ի տարբերակը: Երբ բոլորը նկատեցին, որ ես ամեն օր հագնում եմ սև հագուստ, սկսեցին  ինձ ուշադրություն դարձնել ու իրենց աչքի կենտրոնում պահել: Սկզբում մի քիչ կոմպլեկսավորվում էի, բայց միևնույն է, ինձ համար էական էր մյուսներից տարբերվելն  ու նրանց ուշադրության կենտրոնում գտնվելը: Ու արդեն 3 տարի է, ինչ չեմ կարողանում հրաժարվել սև հագուստից․ այն դարձել է առօրյայիս կարևոր բաղադրիչներից մեկը:

 Եթե Լյուսիի համար սև հագուստը ուշադրություն գրավելու միջոց էր, ապա 23 ամյա Սոնան, ով առհասարակ չի կրում սև հագուստ, նաև չի ընդունում այն մարդկանց, ովքեր անընդհատ «սևի մեջ են»:

— Ես ինքս  չեմ սիրում այդ գույնը, հետո էլ ինձ մոտ վախ են առաջացնում թե՛ սև հագուստը, թե՛ դրանք կրող մարդիկ: Ինչու՞ պայծառ հրաժարվել գույներից ու տարիներով ապրել մռայլ ու գորշ գույների մեջ,  դա չեմ հասկանում: Եթե տեսնում եմ ամբողջությամբ սև հագնված մարդ, ինքնըստինքյան, նա ինձ բացասական էներգիա է տալիս:

Հոգեբան Շուշանիկ Ներսիսյանը մեզ հետ զրույցում նշեց, որ կարելի է հագնել սև հագուստ, բայց ոչ միշտ, քանի որ այն անընդմեջ կրելը կարող էառաջացնե դեպրեսիվ մտքեր, վատ արարքներ անելու ցանկություն,  ինչպես նաև ագրեսիվություն: Սև գույնը կարելի է համադրել այլ գույների հետ: Անչափահասների մոտ այն ինքնահաստատման տարբերակ է․ աչքի ընկելու համար շատերը ընտրում են «սև հագուստի», բայց դա միևնույն է բացասական ազդեցություն է թողնում և հագուստը կրողի հոգեկան աշխարհի վրա, ինչու չէ նաև նրան շրջապատող մարդկանց ներաշխարհի վրա: Եթե կրում ես սև հագուստ, ուրեմն փորձում ես պաշտպանվել իրականությունից և թաքնվել ինքդ քո մեջ:

Մեզ հետ զրույցում դիզայներ Անի Չիչոյանը նշեց, որ սև հագուստը խոսում է բարձրաճաշակության մասին, այն միանշանակ ընդգծում է աղջկա գեղեցիկ կազմվածքը և նրան պահում է տղամարդկանց ուշադրության կենտրոնում: Բացի այդ, սևը ցանկացած ժամանակ մոդայիկ է և գրավիչ: Դիզայները չի կարծում, որ սևն իր մեջ պարունակում է բացասական էներգիա, հակառակը՝ անկախ սեռից, այն դարձնում է  քեզ ավելի ինքնավստահ:

Մարիա Աղաբեկյան

4-րդ կուրս

Կիսվել