Ֆրանսիայի խորհրդարանի պատգամավոր Վալերի Բուայեն իր ֆեյսբուքյան էջում անդրադարձել է Հայաստան-Ադրբեջան սահմանի վերջին լարվածությանը։ Գրառման մեջ Բուայեն հայտնել է, որ ցանկություն ունի հարգանքի տուրք մատուցել բախումների հետևանքով զոհված հայ զինծառայողների հիշատակին:
«Ես ցանկանում էի հարգանքի տուրք մատուցել զոհված հայ զինվորների հիշատակին, որոնք ընկան Հայաստանի դեմ Ադրբեջանի ռազմական ագրեսիվ գործողությունների ժամանակ»,- նշել է Բուայեն՝ ավելացնելով, որ հիշատակի միջոցառում է կազմակերպվել Մարսելի Սրբոց Թարգմանչաց եկեղեցում:
Պատգամավորը ասել է նաև, որ Ֆրանսիան պետք է դաշնակից և քույր մնա Հայաստանի համար։
