Հայաստանի ֆուտբոլի ազգային հավաքականը Ազգերի լիգայի C դիվիզիոնի երկրորդ ենթախմբի վերջին տուրում հաղթեց Հյուսիսային Մակեդոնիային և պատմության մեջ առաջին անգամ դարձավ ենթախմբի հաղթող:
Երկրորդ խաղակեսի 10-րդ րոպեին փոխարինման մտած Վահան Բիչախչյանի փոխանցումից հետո հաշիվը բացեց Հովհաննես Համբարձումյանը: Մեր հավաքականը հաղթեց 1-0 հաշվով:
Հայաստանի ֆուտբոլի ազգային թիմը իրավունք ստացավ հանդես գալու Ազգերի լիգայի B դիվիզիոնում:
Խոակին Կապառոսի գլխավորած սաները մրցաշարային աղյուսակն ամփոփում են 11 միավորով՝ 6 խաղում տոնելով 3 հաղթանակ, 2 խաղ ավարտելով ոչ-ոքի և կրելով 1 պարտություն:
