ՀՀ ԱԳ պաշտոնաթող նախարար Զոհրաբ Մնացականյանը պաշտոնից հրաժարվելուց հետո առաջին անգամ հրապարակային գրառում է արել` անդրադառնալով Հայաստսանի ներկա իրավիճակին ու տարածաշրջանային իրադարձություններին։
«Հայաստանի համար լարված ժամանակներ են։ Աշխարհաքաղաքականությունն իրենն է անում։ Դիկտատորներն ու բարբարոսներն աղմուկ են բարձրացնում։ Բայց ես չեմ կասկածում իմ ժողովրդի ուժին, տոկունությանն ու իմաստությանը։ Միասին մենք կբարձրանանք, կվերականգնենք և կշարունակենք ապրել հպարտությամբ ու արժանապատվությամբ։ Աստված օրհնի Հայաստանը։ Արցախն ամուր է»,-գրել է Զոհրաբ Մնացականյանը Թվիթերի իր միկրոբլոգում։
Հիշեցնենք, որ նոյեմբերի 16–ին Զոհրաբ Մնացականյանը հրաժարական է տվել ԱԳ նախարարի պաշտոնից։ Այսօր ՀՀ նախագահ Արմեն Սարգսյանի հրամանագրով Արա Այվազյանը նշանակվել է ԱԳ նախարար։
