Նախագահ Արմեն Սարգսյանը դիմել է Վլադիմիր Պուտինին ադրբեջանական կողմում գտնվող ռազմագերիների, պատանդների...

Նախագահ Արմեն Սարգսյանը դիմել է Վլադիմիր Պուտինին ադրբեջանական կողմում գտնվող ռազմագերիների, պատանդների վերադարձի հարցով

88

ՀՀ նախագահ Արմեն Սարգսյանը նամակ է հղել Ռուսաստանի Դաշնության նախագահ Վլադիմիր Պուտինին՝ աջակցելու ադրբեջանական գերությունում գտնվող հայ զինվորների և քաղաքացիական անձանց վերադարձի հարցում։
Այս մասին հայտնում է ՀՀ նախագահի պաշտոնական կայքը։

Նախագահ Սարգսյանի նամակում մասնավորապես նշվում է, որ Հայաստանի հասարակությունն ու սփյուռքը խիստ անհանգստացած են ադրբեջանական գերության մեջ հայտնված զինվորների և քաղաքացիական անձանց շուրջ ստեղծված իրավիճակով:

Ռուսաստանի նախագահի միջնորդությունը մեծ աջակցություն կլինի Ադրբեջանի կողմից գերեվարված մեր զինվորականներին և քաղաքացիական անձանց, ինչպես նաև զոհվածների մարմինները վերադարձնելու չափազանց զգայուն խնդրի լուծման գործում:  

Կիսվել