ԿԱՐԴԱ ԵՎ ՕԳՆԻՐ

ԿԱՐԴԱ ԵՎ ՕԳՆԻՐ

681

«World Vision ՀԱՅԱՍՏԱՆ» զարգացման  և  բարեգործական միջազգային կազմակերպության հովանավորությամբ Ապարանի SKYE   երիտասարդական  ակումբը նախաձեռնել է SKYE BooksStore  սոցիալական  ձեռներեցության ծրագիրը: Այն նպատակ ունի սույն  թվականի  սեպտեմբեր  ամսին  գրքերի վաճառքից ստացված շահույթը տրամադրել Ապարանի տարածաշրջանի սոցիալապես անապահով երեխաների դասագրքերի վճարմանը:

Ծրագրին մասնակցում է 12 երիտասարդ: Նրանք ֆեյսբուքյան էջի միջոցով գրքեր են վաճառում ու ինչ-որ չափով թեթևացնում անապահով ընտանիքների կարիքները:

-Կարճ ժամանակահատվածում շատ արձագանքներ ենք ստացել: Ծրագրի մասնակից 12 երիտասարդներիս են միացել նաև ‹‹Դե խաղա›› և ‹‹Բառախաղ›› ժամանցային խաղերի հեղինակներ Հայկ Մկրտչյանն ու Դավիթ Հավհաննիսյանը , – ասաց ֆեյսբուքյան էջի պատասխանատու Անի Դավթյանը:

Իսկ ինչ վերաբերում է գրքերի վաճառքին, երիտասարդները նշեցին, որ այսպիսի արդյունքների չէին սպասում. ընդամենը մեկ օրում վաճառվել է 7 գիրք: Ամենաշատ վաճառվածներից են մանկական զարգացնող գրքերն ու բեսթսելլերները: Ընդունվում են նաև պատվերներ և առաքվում են:

Կարդալը երբեք էլ աննպատակ չի լինում. դրանով դու կարող ես օգնել նույնիսկ ուրիշներին:

 

Լիանա Բրյան

2-րդ կուրս

Կիսվել