«Ուսուցումն առավել արդյունավետ է, երբ այն ուրախություն է պատճառում». հենց այս միտքն էլ դարձրած կարգախոս ՀՀ Կենտրոնական բանկը մշակեց «Իմ ֆինանսների ամիս» ծրագիրը, որն այս տարի մեկնարկեց ապրիլի 19-ին: Արդեն չորրորդ տարին է ինչ իրականացվում է այս ծրագիրը, որի նպատակն է մարդկանց տեղեկացնել անձնական ֆինանսների ճիշտ կառավարման միջոցների մասին: Ծրագրի շրջանակներում մասնակիցներին սովորեցվում է արդյունավետ խնայել միջոցները, պլանավորել ծախսերը, խուսափել պարտքային բեռից և պաշտպանել սեփական իրավունքները: Ինչպես նշեց ՀՀ ԿԲ սպառողների շահերի պաշտպանության և ֆինանսական կրթության մասնագետ Լուսինե Ներսիսյանը նախորդ տարի ծրագրին մասնակցել է շուրջ 5000 մարդ, իսկ այս տարի, ըստ գրանցման նախնական տվյալների, կմասնակցեն 7000-ը:
Գրեթե բոլորը «Իմ ֆինանսների ամիս»-ն ասոցացնում են կարմիր ավտոբուսի հետ, քանի որ միջոցառումներից ամենապահանջվածը Երևանի ֆինանսական հաստատություններով շրջագայությունն է, որն իրականացվում է երկհարկանի բացօթյա ավտոբուսով: Այս ավտոբուսում էլ տրվում է ՀՀ ԿԲ-ի կողմից մասնակիցների համար նախատեսված անակնկալ նվեր-փաթեթը, որն էլ ուրախություն է պատճառում ու հաճեի դարձնում կարևոր և անհրաժեշտ ուսուցումը:
«Իմ ֆինանսների ամիս 201»>-ին մասնակցում էին
- ՀՀ Կենտրոնական
- Հայբիզնե
- Հայէկոնոմ
- Պրոմեթեյ
- Ինեկո
- Կոնվերս բանկերը
- Ֆինանսական համակարգի հաշտարարի
- ՆԱՍԴԱՔ ՕԷՄԷՔՍ Արմենիա
- Ինգո Արմենիա
- Ռոսգոստրախ Արմենիա
- Նաիրի Ինշուրանս գրասենյակները
- Գլոբալ կրեդիտ
- Ակբա լիզինգ վարկային կազմակերպությունները
Ծրագիրը կավարտվի մայիսի վերջին. օրը հստակ որոշված չէ:
«Մշտապես խնայեք, բայց հիշեք, որ հաջողությունը նման է սանդուղքի՝ անհնար է բարձրանալ առանց ձեռքերը գրպանից հանելու». հավելեց Լուսինե Ներսիսյանն ու շոկոլադ հյուրասիրելով ճանապարհեց Կենտրոնական բանկից:
Անի Առաքելյան
2-րդ կուրս
