Նկարիչ Արթուր Օշականցու ստեղծագործությունները կարմիրի, դեղինի, կապույտի և կանաչի երանգներ էին հաղորդել Նկարիչների միությանը: Հոկտեմբերի 2–ին տեղի ունեցավ նկարչի անհատական ցուցահանդեսը:
Օշականցին իր արվեստն անվանել է «Հոգեհոսք», քանի որ ինքը հոգին է նկարում, այլ ոչ թե մարմինը, և այդ հոգին իր համար հավերժական է: Արվեստագետի խոսքով՝այդ հոգին ինքը գունավորում է, դրան ծավալ ու ձև է տալիս մթնոլորտի մեջ, որն էլ ներծծվում է ժամանակի և տարածության մեջ:
Ցուցահանդեսում ներկայացված ստեղծագործություններն առանձնանում են գունային տարբեր համադրություններով: Նկարիչն ինքն է հարցազրույցներից մեկում նշել, որ գույնի փիլիսոփայությունը, հատկապես իր արվեստում, շատ կարևոր է:
Ցուցահանդեսի մի քանի այցելուներ մեզ հետ զրույցում իրենց տպավորությունները պատմեցին․ «Մեծ բավականություն ստացա նկարները դիտելիս», ««Թրատվող հոգիներ» կոչվող ստեղծագործությունը շատ տպավորիչ էր, որովհետև պատերազմը վերապրելու ժամանակներն են, և այդ նկարը յուրովի արտացոլում էր այն, ինչ մենք այսօր զգում ենք պատերազմի մասին խոսելիս և առհասարակ հիշելիս»:
Ցուցահանդեսը բաց էր մինչև հոկտեմբերի 11–ը:
![](https://journalist.am/wp-content/uploads/2021/10/245089842_466676361206558_7490091589822626376_n-1024x769.jpg)
![](https://journalist.am/wp-content/uploads/2021/10/245516959_3090785714524738_659313214369402366_n-1024x769.jpg)
![](https://journalist.am/wp-content/uploads/2021/10/245084666_262096659170733_3803136251025743461_n-1024x769.jpg)
Անահիտ Նահապետյան
2-րդ կուրս